മൂന്ന്‌ വയസ്സുകാരിക്ക് പോലീസിനെ പേടി...ഒടുവിൽ ആ പേടി മാറ്റാൻ പോലീസങ്ങ് തീരുമാനിച്ചു... ഒരു അല്ലറ ചില്ലറ പൊടിക്കൈ...സംഭവം ഓക്കേ ആയി

പോലീസിനെ കണ്ടാൽ പേടിച്ച് കരയുമായിരുന്ന മൂന്ന് വയസ്സുകാരിയുടെ പേടി മാറ്റാൻ പോലീസ് കണ്ടു പിടിച്ച മാർഗം ഇതായിരുന്നു.. സൂപ്പർ കാറിൽ യാത്ര ഒരുക്കി കൊടുത്തു. അലിയസെയ എന്ന സ്വദേശി പെൺകുട്ടിക്കായിരുന്നു പോലീസിനെ വലിയ പേടി ആയിരുന്നത്... ഇത് ശ്രദ്ധയിൽപ്പെട്ട രക്ഷിതാക്കൾ ഇക്കാര്യം പോലീസ് ഉദ്യോഗസ്ഥരെ ധരിപ്പിക്കുകയും ചെയ്തു.. എന്നാൽ പോലീസ് ഇക്കാര്യം ഗൗരവത്തിൽ തന്നെ എടുത്തു കഴിഞ്ഞു.

സമൂഹത്തിന്റെ സഹായികളായി നിൽക്കുന്ന പോലീസിനെ കണ്ട് മൂന്ന് വയസ്സുകാരി കരയുന്നുണ്ടെങ്കിൽ അത് മാറ്റേണ്ടതുണ്ടെന്ന് ദുബായ് ടൂറിസ്റ്റ് പോലീസ് ഡയറക്ടർ കേണൽ ഡോ. മുബാറക് ബിൻ നവാസ് അൽ കെത്ബി തീരുമാനിക്കുകയായിരുന്നു... ഏതാനും വനിതാ ഉദ്യോഗസ്ഥരെ സമ്മാനങ്ങളുമായി അദ്ദേഹം പെൺകുട്ടിയുടെ വീട്ടിലേക്ക് അയ്ക്കുകയും ചെയ്തു. ആദ്യം അൽപ്പം ശങ്കിച്ചെങ്കിലും വൈകാതെ അവൾ പോലീസുമായി അടുക്കുകയും ചെയ്തു.

ദുബായ് പോലീസിന്റെ ഒരു സൂപ്പർ കാറിൽ അവൾക്കൊരു യാത്രയും സമ്മാനിച്ചാണ് സംഘം മടങ്ങിയത്. സമൂഹത്തിൽ സന്തോഷം സൃഷ്ടിക്കാനുള്ള ദുബായ് പോലീസിന്റെ പദ്ധതികളുടെ ഭാഗമായിട്ടായിരുന്നു ഈ സമ്മാനങ്ങളും യാത്രയുമെല്ലാം.

ആ യാത്രയോടെ പെൺകുട്ടിയുടെ പോലീസിനോടുള്ള ഭയവും ഏറെ കുറഞ്ഞു. ആ സന്തോഷത്തിലാണ് സംഘം മടങ്ങിയതും.