എയര് ഹോസ്റ്റസിനെ കെട്ടിപ്പിടിച്ചു ചുംബിച്ച യാത്രക്കാരനു മൂന്നുമാസത്തെ ജയില്ശിക്ഷ
വിമാനത്തില് വച്ച് എയര്ഹോസ്റ്റസിനെ അപമാനിച്ച യാത്രക്കാരന് മൂന്നു മാസത്തെ ജയില്ശിക്ഷ. ദുബായ് കോടതിയാണ് 42കാരനായ ടാന്സാനിയന് പൗരനു ശിക്ഷ വിധിച്ചത്.
സെല്ഫിയെടുക്കാനായാണ് പ്രതി എയര്ഹോസ്റ്റസിനെ സമീപിച്ചത്. എന്നാല് സെല്ഫിക്ക് പോസ് ചെയ്യുന്നതിനിടെ ഇയാള് എയര് ഹോസ്റ്റസിനെ കടന്നുപിടിച്ച് ചുംബിക്കുകയായിരുന്നു.
ഏപ്രില് 22ന് താന്സാനിയയിലെ ദാര് എസ് സലാമില് നിന്നും ദുബായിലേയ്ക്ക് പോയ വിമാനത്തിലായിരുന്നു സംഭവം. 25 കാരിയായ അമേരിക്കന് എയര്ഹോസ്റ്റസിനെയാണ് 42 കാരനായ താന്സാനിയന് പൗരന് ചുംബിച്ചത്.
സെല്ഫിയെടുക്കണമെന്ന് യുവാവ് പറഞ്ഞപ്പോള് എയര്ഹോസ്റ്റസ് സമ്മതിക്കുകയായിരുന്നു. എന്നാല് സെല്ഫിയെടുക്കാന് അടുത്തെത്തിയപ്പോള് ഇയാള് എയര്ഹോസ്റ്റസിന്റെ കഴുത്തില് ബലമായി പിടിച്ച് ചുംബിക്കുകയായിരുന്നു. തുടര്ന്ന് ബലാത്കാരമായി ഇയാള് കെട്ടിപ്പിടിക്കാന് ശ്രമിച്ചുവെന്നും എയര്ഹോസ്റ്റസിന്റെ പരാതിയില് പറയുന്നു.
https://www.facebook.com/Malayalivartha