വിദേശികള്ക്ക് ഇന്ത്യയിലേക്ക് പുതുതായി രണ്ടിനം വീസകള് കൂടി.
മാര്ച്ച് ഒന്നുമുതല് വിദേശികള്ക്ക് ഇന്ത്യയിലേക്ക് പുതുതായി രണ്ടിനം വീസകള് കൂടി അനുവദിച്ചു. 'ഇന്റേണ് വിസ, 'ഫിലിം വീസ' എന്നീ പേരുകളിലാണ് ഇത് അറിയപ്പെടുന്നത്. ഇന്ത്യന് കമ്പനികളില് ഇന്റേണ്ഷിപ്പ് നടത്തുന്നവര്ക്കുള്ളതാണ് ഇന്റേണ് വിസ. ഫിലിം വിസ നല്കുന്നത് ഫീച്ചര്/ടെലി ഫിലിം, ടിവി റിയാലിറ്റി ഷോ, കൊമേഴ്സ്യല് ടിവി ഷോ, ടിവി സീരിയലുകള് എന്നിവ ചിത്രീകരിക്കുന്നതിനുള്ള വിദേശ സംഘങ്ങള്ക്കാണ്. ഒരുവര്ഷം കാലാവധിയും മള്ട്ടിപ്പിള് എന്ട്രി സൗകര്യവുമുള്ളതാണ് ഇന്റേണ് വിസ. 25 ദിനാറാണ് ഫീസ്. ഒരു വര്ഷ കാലാവധിയുള്ള ഫിലിം വീസയുടെ ഫീസ് 37 ദിനാറായിരിക്കുമെന്നും ഇന്ത്യന് എംബസി പത്രക്കുറിപ്പില് അറിയിച്ചു.
വിസയ്ക്കായി അപേക്ഷിക്കുന്നതിന് ആവശ്യമായ വിവരങ്ങള്: ഇന്റേണ് വീസ: ഇന്ത്യയിലെ കമ്പനി/ഇന്സ്റ്റിറ്റിയൂട്ട്/എന്ജിഒ എന്നിവയുടെ പേര്. വിലാസം, ഫോണ്/ഫാക്സ്, ഇമെയില്, ഇന്റേണ്ഷിപ്പ് കാലാവധി (മാസം), പ്രതിവര്ഷം ലഭിക്കുന്ന പ്രതിഫലം (ഇന്ത്യന് രൂപയില്). ഫിലിം വീസ: ഫിലിം ഷൂട്ട് ചെയ്യുന്നതിന് വാര്ത്താവിതരണപ്രക്ഷേപണ മന്ത്രാലയത്തിന്റെ അനുമതി, പ്രൊഡക്ഷന്റെ സ്വഭാവം (ഫീച്ചര് ഫിലിം/ ടിവി റിയാലിറ്റി ഷോ/ കൊമേഴ്സ്യല് ടിവി സീരിയല്). ഷൂട്ടിങ് ലൊക്കേഷന്റെ പൂര്ണവിലാസം, ഫോണ്/ഫാക്സ്, ഇമെയില്. കുവൈത്തികള്ക്കും വിദേശികള്ക്കും ഇന്ത്യന് എംബസിയുടെ ഫഹാഹീല്, അബ്ബാസിയ, ഷര്ഖ് എന്നിവിടങ്ങളിലെ ഔട്ട് സോഴ്സിങ് സെന്ററുകള് വഴി അപേക്ഷകള് സമര്പ്പിക്കാവുന്നതാണ്.
https://www.facebook.com/Malayalivartha
