ദുബൈയില് ഒരു ദിവസത്തിനകം വിധി പറയുന്ന കോടതികള് വരുന്നു
ദുബൈയില് ഒരു ദിവസത്തിനകം വിധി പറയുന്ന കോടതികള് ഉടന് പ്രവര്ത്തനം ആരംഭിക്കും. ചെറുകുറ്റകൃത്യങ്ങളാണ് ഇത്തരത്തില് വിധി പറയുന്നത്. ഈ കോടതികള്ക്ക് വണ്ഡേ മിസ്ഡമൈനര് കോര്ട്ട് എന്നാണ് പേര്. പോലീസ് സ്റ്റേഷനുകളില് ബുധനാഴ്ച മുതല് ഇത്തരം കോടതികള് ആരംഭിക്കാന് ദുബൈ എക്സിക്യൂട്ടീവ് കൗണ്സില് അംഗീകാരം നല്കി. 21 തരം കേസുകളില് രണ്ട് ഘട്ടങ്ങളിലായാണ് ഈ കോടതി വിധി പറയുന്നത്. ഈ കോടതികള് വഴി കേസ് തീര്പ്പിനായുളള കാത്തിരിപ്പ് 60 ശതമാനം കുറയ്ക്കാനും സര്ക്കാറിന് കോടതി ചെലവില് 400 ലക്ഷം ദിര്ഹം ലാഭമുണ്ടാക്കാനും സാധിക്കും.
അനധികൃതമായി രാജ്യത്ത് പ്രവേശിക്കുക, താമസിക്കുക, രാജ്യത്ത് നിന്ന് നാടുകടത്തപ്പെടുക, വിലക്ക് ലംഘിച്ച് ജോലി ചെയ്യുക, സ്പോണ്സറില് നിന്ന് ഒളിച്ചോടുക തുടങ്ങിയ കേസുകളില് താമസകുടിയേറ്റ ഡയറക്ടറേറ്റിലെ ഏകദിന കോടതി തീര്പ്പുണ്ടാക്കും. മദ്യം കൈവശംവെക്കല്, മദ്യത്തിന്െര് ദുരുപയോഗം, വണ്ടി ചെക്ക് കേസുകള്, യാചന, അനധികൃത കച്ചവടം എന്നീ കേസുകളില് പൊലീസ് സ്റ്റേഷനുകളിലെ കോടതി തന്നെ വിധി പറയും. മദ്യപിച്ച് വാഹനമോടിക്കല്, വണ്ടിയിടിച്ച് നാശമുണ്ടാക്കല്, ലൈസന്സില്ലാതെ വാഹനമോടിക്കല് തുടങ്ങിയ കേസുകളില് ഗതാഗത വിഭാഗം പബ്ളിക് പ്രോസിക്യൂഷനും അന്നേ ദിവസം തീര്പ്പുണ്ടാക്കും.
https://www.facebook.com/Malayalivartha