ദുബായ്: ഇന്ത്യന്‍ സ്വാതന്ത്ര്യദിനം ആഘോഷിക്കാന്‍ ദുബായില്‍ ഒരുങ്ങുന്നത് സ്വര്‍ണ്ണക്കേക്കാണ്. 26 ലക്ഷമാണ് ഈ സ്വാതന്ത്ര്യദിന സ്പെഷ്യല്‍ സ്വര്‍ണ്ണക്കേക്കിന്റെ ചെലവ്. 

കേക്കില്‍ ഇന്ത്യന്‍ പതാകക്കൊപ്പം ആലേഖനം ചെയ്യുന്നത് ബോളിവുഡ് താരം അമീര്‍ ഖാന്റെ ദംഗല്‍ അപ്പിയറന്‍സാണ്. ഇരു കൈകളും കെട്ടി സ്വന്തം പെണ്‍കുട്ടികളുടെ ഗുസ്തി പ്രകടനം നോക്കി നില്‍ക്കുന്ന ഗൗരവക്കാരനായ ദംഗല്‍ നായകന്റെ ചിത്ര തോടുകൂടി. 4 അടി ഉയരത്തിലാണ് കേക്ക് നിര്‍മ്മിച്ചിരിക്കുന്നത്. ദുബായിലെ ബ്രോഡ്വേ ബേക്കറിയിലെത്തിയ ഉപഭോക്താവ് ആവശ്യപ്പെട്ടതനുസരിച്ചായിരുന്നു നിര്‍മ്മാണം. കേക്ക് നിര്‍മ്മിക്കുന്നതിനായി അമീര്‍ ഖാന്റെ വ്യക്തിത്വത്തെക്കുറിച്ചു ഒരാഴ്ച ചീഫ് ഷെഫ് പഠനം നടത്തിയിരുന്നു. ഭക്ഷ്യയോഗ്യമായ സ്വര്‍ണ്ണമാണ് ഉപയോഗിച്ചിരിക്കുന്നത്.

3 ആഴ്ച സമയമെടുത്ത് നിര്‍മ്മിച്ചിരിക്കുന്ന കേക്കിന്റെ ഭാരം 54 കിലോയാണ്. 240 ആളുകള്‍ക്ക് ഈ സ്വര്‍ണ്ണ ദംഗല്‍ കേക്ക് കഴിക്കാം. ദംഗല്‍ സിനിമ കണ്ടതിനു ശേഷമാണ് ഷെഫുമാര്‍ കേക്ക് നിര്‍മ്മിച്ചത്.