യു.എ.ഇ.എക്സ്ചേഞ്ചും അബൂദബി ഗ്ലോബല് മാര്ക്കറ്റും ഒത്തു ചേര്ന്നോരു സാങ്കേതിക സഹകരണ കരാര് ; ഫിന്ടെക്ക് ഇക്കോ സിസ്റ്റത്തിനു വേണ്ടി കരാറൊപ്പിട്ടു
അബൂദബി: പണമടവ്, പണവിനിമയ ബ്രാന്ഡ് ആയ യു.എ.ഇ.എക്സ്ചേഞ്ചും അന്താരാഷ്ട്ര ധനകാര്യ കേന്ദ്രമായ അബൂദബി ഗ്ലോബല് മാര്ക്കറ്റും തമ്മില് ഫിന്ടെക്ക് ഇക്കോ സിസ്റ്റത്തിനു വേണ്ടി കരാറൊപ്പിട്ടു. യു.എ.ഇ.യിലെ റെമിറ്റന്സ്, ഫോറിന് എക്സ്ചേഞ്ച്, പെയ്മെന്റ് സൊലൂഷന്സ് മേഖലയില് കൂടുതല് ഫലപ്രദമായ ധന സാങ്കേതിക സംവിധാനങ്ങള് രൂപപ്പെടുത്താനും മെച്ചപ്പെടുത്താനും വ്യാപകമാക്കാനും ഉദ്ദേശിച്ചുകൊണ്ടുള്ള ധാരണാപത്രത്തില് യു.എ.ഇ.എക്സ്ചേഞ്ച് ഗ്രൂപ്പ് ചീഫ് എക്സിക്യൂട്ടീവ് ഓഫീസര് പ്രമോദ് മങ്ങാടും അബൂദബി ഗ്ലോബല് മാര്ക്കറ്റിന്റെ ധനകാര്യ സേവന നിയന്ത്രണ അതോറിറ്റി സി.ഇ.ഒ. റിച്ചാര്ഡ് ടെങുമാണ് ഒപ്പുവെച്ചത്. ഇതനുസരിച്ച് എ.ഡി.ജി.എമിന്റെ റെഗുലേറ്ററി ലബോറട്ടറി, റെഗ് ലാബിന് കീഴിലുള്ള ഫിന് ടെക്ക് പങ്കാളികളുമായിട്ടാവും യു.എ.ഇ.എക്സ്ചേഞ്ച് സഹകരിച്ചു പ്രവര്ത്തിക്കുക.
ആഗോള ബ്രാന്ഡ് എന്ന നിലയിലുള്ള തങ്ങളുടെ അനുഭവസമ്ബത്തും വിജയ മാതൃകകളും യു.എ.ഇയിലെ മണി എക്സ്ചേഞ്ച് സേവനമേഖലയില് മറ്റുള്ളവര്ക്കു കൂടി പ്രയോജനപ്പെടുത്താവുന്ന നല്ലൊരു അവസരമാണ് അബൂദബി ഗ്ലോബല് മാര്ക്കറ്റ് എന്ന ഉന്നത സ്ഥാപനവുമായി കൈകോര്ക്കുന്നതിലൂടെ സാധ്യമാവുകയെന്ന് പ്രമോദ് മങ്ങാട് അഭിപ്രായപ്പെട്ടു. സാങ്കേതികവിദ്യയുടെ അപാരസാധ്യതകള് പണമിടപാട് രംഗത്ത് പ്രയോജനപ്പെടുത്തുമ്ബോള് തന്നെ, അധികൃതമായ രീതിയില് പൂര്ണമായും നിയമവിധേയമാക്കുന്നതിനുള്ള പരിശീലനവും സൗകര്യങ്ങളും എല്ലാ സംരംഭകരിലും ഉപയോക്താക്കളിലും എത്തിക്കാനുള്ള ശ്രമവും ഇതിലുണ്ടെന്ന് അദ്ദേഹം പറഞ്ഞു. യു.എ.ഇയില് നിന്ന് വളര്ന്നു വികസിച്ച യു.എ.ഇഎക്സ്ചേഞ്ച് കൈവരിച്ച നേട്ടങ്ങളും വൈദഗ്ധ്യവും രാജ്യത്തെ സംരംഭകരംഗത്ത് ഉപയോഗപ്പെടുത്തുക വഴി കുറ്റമറ്റ ഫിന്ടെക്ക് സൗകര്യങ്ങളിലൂടെ മികവിന്റെയും സ്ഥിരതയുടെയും പുതിയൊരു അധ്യായം കുറിക്കാനാവുമെന്ന് റിച്ചാര്ഡ് ടെങ് പ്രതികരിച്ചു.
https://www.facebook.com/Malayalivartha
