സൗദിയില് കടകളുടെ പ്രവൃത്തി സമയക്രമത്തില് മാറ്റം വരുന്നു
സൗദിയില് കടകളുടെ പ്രവൃത്തി സമയം രാവിലെ ആറു മുതല് വൈകിട്ട് ഒമ്പത് വരെയെന്ന വ്യവസ്ഥ ഈ വര്ഷാവസാനം പ്രാബല്യത്തില് വരും. കടകളില് കൂടുതല് സ്വദേശികള്ക്ക് തൊഴിലവസരം ഉണ്ടാക്കുന്നതിന്റെ ഭാഗമായാണ് ഈ നടപടി. ഇപ്പോഴത്തെ സമയക്രമം സൗദിയിലെ സ്വദേശികള്ക്ക് സൗകര്യപ്രദമല്ലാത്തതിനാലാണ് അവര് ഈ മേഖലയില് തൊഴില് ചെയ്യാനും നിക്ഷേപമിറക്കാനും തയ്യാറാവാത്തത്. സമയം ക്രമം മാറ്റുന്നതോടെ ഈ അവസ്ഥ മാറുകയും കൂടുതല് സ്വദേശികള് ഈ രംഗത്ത് തൊഴില് ചെയ്യാനും നിക്ഷേപമിറക്കാനും തയ്യാറാവുമെന്നാണ് തൊഴില് മന്ത്രാലയം വിലയിരുത്തുന്നത്. നിലവില് ഈ മേഖലയില് ജോലിചെയ്യുന്നവരില് ഭൂരിപക്ഷവും വിദേശികളാണ്. ഏതാണ്ട് പതിനഞ്ച് ലക്ഷത്തോളം വിദേശികള് ഈ രംഗത്ത് ജോലി ചെയ്യുന്നുണ്ടെന്നാണ് കണക്ക്.
സമയക്രമം മാറ്റുന്ന വ്യവസ്ഥ നടപ്പില് വന്നാലും ആറുമാസം കടയുടമകള്ക്ക് സാവകാശം നല്കും. മക്കയിലും മദീനയിലും ഹറമുകള്ക്ക് അടുത്തുള്ള കടകള്ക്ക് നഗരസഭയുടെ പ്രത്യേക അനുമതിയുണ്ടെങ്കില് സമയക്രമത്തില് ഇളവ് ലഭിക്കും. റെസ്റ്റോറന്റുകള്, കോഫി ഷോപ്പുകള്, അമ്യൂസ്മെന്റ് പാര്ക്കുകള് തുടങ്ങിയ സ്ഥാപനങ്ങള്ക്ക് സാധാരണ ദിവസങ്ങളില് രാത്രി 12 വരെയും അവധി ദിവസങ്ങളില് ഒരു മണിവരെയും പ്രവര്ത്തിക്കാം. റമദാനില് റെസ്റ്റോറന്റുകള് ഒഴികെയുള്ള കടകള് രാത്രി രണ്ട് മണി വരെ മാത്രമേ പ്രവര്ത്തിക്കാവൂ. അതേ സമയം ഇരുപത്തിനാല് മണിക്കൂറം പ്രവര്ത്തിക്കേണ്ട സ്ഥാപനങ്ങള്ക്ക് സമയക്രമം ബാധകമല്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha