കാസർകോഡ് സ്വദേശിക്ക് ഷാർജയിൽ ദാരുണാന്ത്യം; പെരുന്നാൾ ആഘോഷിക്കാൻ സുഹൃത്തുക്കൾക്കൊപ്പം ഖോര്ഫക്കാനില് പോയി തിരിച്ച് മടങ്ങുന്നതിനിടെ ടയര് പൊട്ടിത്തെറിച്ച് കാർ നിയന്ത്രണം വിട്ട് മറിയുകയായിരുന്നു....
ഷാർജ ദൈദില് വാഹനാപകടത്തിൽ യുവാവിന് ദാരുണാന്ത്യം. കാസര്കോട് സ്വദേശി തളങ്കര പടിഞ്ഞാര് കുന്നിലെ ഹാരിസ്-ഫാത്തിമ ദമ്ബതികളുടെ മകന് ഹാത്തിബ് ഹാരിസ്(23) ആണ് മരിച്ചത്. ജനൈദ്, തളങ്കര ബാങ്കോട്ടെ ഫാറൂഖ്, ഫയാസ് എന്നിവര്ക്ക് പരിക്കേറ്റു. ഇതിലൊരാളുടെ നില ഗുരുതരമാണ്.
ശനിയാഴ്ച വൈകീട്ട് അഞ്ചിന് രണ്ട് കാറുകളിലായി സുഹൃത്തുക്കൾക്കൊപ്പം പെരുന്നാളാഘോഷിക്കാന് ഖോര്ഫക്കാനില് പോയി തിരികെ മടങ്ങുന്നതിനിടയിൽ ഹാത്തിബ് സഞ്ചരിച്ച കാറിന്റെ ടയര് പൊട്ടിത്തെറിച്ച് നിയന്ത്രണം വിട്ട് മറിയുകയായിരുന്നു. പരിക്കേറ്റവരെ ആശുപത്രിയില് പ്രവേശിപ്പിച്ചു.
ഒരു വര്ഷം മുന്പ് യു.എ.ഇയിലെത്തിയ ഹാത്തിബ് ഷാര്ജയിലെ ഒരു റിയല് എസ്റ്റേറ്റ് കമ്ബനിയില് അക്കൗണ്ടന്റായി ജോലി ചെയ്തുവരികയായിരുന്നു. പിതാവ് ഹാരിസ് യു.എ.ഇയില് ജോലി ചെയ്യുന്നു. സഹോദരങ്ങള്: ഹിഷാന, ഖദീജ. നടപടികള്ക്ക് ശേഷം മൃതദേഹം നാട്ടിലേയ്ക്ക് കൊണ്ടുപോകുമെന്ന് ബന്ധുക്കള് പറഞ്ഞു.
https://www.facebook.com/Malayalivartha
