വിയന്ന : പ്രവാസി മലയാളി ഫെഡറേഷൻ ഗ്ലോബൽ അസോസിയേഷൻ കോ- ഓർഡിനേറ്റർമാരായി യു കെ യിൽ നിന്നുള്ള വർഗീസ് ജോണിനെയും (യൂറോപ്പ് -ആസ്‌ട്രേലിയ ) ബഹ്‌റൈനിൽ നിന്നുള്ള ബഷീർ അമ്പലായിയെയും ( ജി സിസി -ആഫ്രിക്ക ) പി എം എഫ് ഗ്ലോബൽ ഡയറക്ടർ ബോർഡ് തെരഞ്ഞെടുത്തതായി പി എം എഫ് ഗ്ലോബൽ കോ ഓർഡിനേറ്റർ ജോസ് പനച്ചിക്കൽ അറിയിച്ചു.

പ്രവാസി മലയാളി ഫെഡറേഷന്റെ മുന്നോട്ടുള്ള പ്രയാണത്തിൽ ലോക മലയാളി സമൂഹത്തിന്റെ നന്മയ്ക്കും ഉന്നതിക്കുമായി പ്രസ്ഥാനത്തോട് ചേർന്ന് നിസ്വാർത്ഥമായി പ്രവർത്തിക്കുമെന്ന് പുതുതായി തെരഞ്ഞെടുക്കപ്പെട്ട വർഗീസ് ജോണും ബഷീർ അമ്പലായിയും അറിയിച്ചു.

വർഗീസ് ജോൺ (സണ്ണി) ലണ്ടന് സമീപം വോക്കിങ് നിവാസിയാണ്. ബ്രിട്ടനിലെ മലയാളി സംഘടനകളുടെ കൂട്ടായ്മയായ യുക്മയുടെ സ്ഥാപക പ്രസിഡന്റും ചേർത്തല സംഗമത്തിന്റെ ആദ്യ പ്രസിഡന്റും ഇപ്പോൾ ദശവർഷം ആഘോഷിക്കുന്ന വോക്കിങ് മലയാളി അസോസിയേഷന്റെ പ്രഥമ പ്രസിഡന്റും നിലവിലെ പ്രെസിഡന്റുമാണ് ഇദ്ദേഹം. അതോടൊപ്പം ഇപ്പൊഴത്തെ തൊഴിൽ മേഖലയിൽ വർക്കേഴ്സ് യൂണിയന്റെ റെപ്രെസെന്ററ്റീവ് ആയും പ്രവർത്തിക്കുന്നു.

മനാമ, ബഹ്‌റൈൻ നിവാസിയായ ബഷീർ അമ്പലായി ഗൾഫ് മലയാളികൾക്കിടയിൽ സാമൂഹിക-സാംസ്കാരിക രംഗത്ത് ശ്രദ്ധേയനായ വ്യക്തിയും നല്ലൊരു വ്യക്തിയും, തികഞ്ഞ മനുഷ്യ സ്നേഹിയുമാണ്. കെ കരുണാകരൻ അനുസ്മരണ സമിതി ഗൾഫ് കോർഡിനേറ്ററും, ഓ ഐ സി സി മെമ്പർ, ഫൗണ്ടർ ആൻഡ് ജനറൽ സെക്രട്ടറി ഓഫ് ബഹ്‌റൈൻ മലയാളി ബിസിനസ് ഫോറം, പ്രസിഡന്റ ഓഫ് മലയാളി കൾച്ചറൽ കോൺഗ്രസ്സ് ബഹ്‌റൈൻ ചാപ്റ്റർ, ഇന്ത്യൻ എംബസ്സിയുടെ കീഴിലുള്ള ഐ സി ആർ എഫ് കമ്യൂണിറ്റി സർവീസ് മെമ്പർ ആയും ഇദ്ദേഹം പ്രവർത്തിക്കുന്നു.