അബുദാബി: കണ്ണൂർ കാടാച്ചിറയിൽ പരേതനായ ഹാഷിമി​ന്റെ മകൻ ജാഫർ തെക്കേയിൽ (38) അബൂദബി മഫ്‌റഖ് ആശുപത്രിയിൽ നിര്യാതനായി. പെരുന്നാൾ ദിവസം മുസ്തഫാ ഐകാഡിലെ പള്ളിയിൽ ജുമുഅ നമസ്കാരത്തിന് കയറുമ്പോൾ രക്ത സമ്മർദ്ധം കുറഞ്ഞ്​ തലകറങ്ങി വീഴുകയായിരുന്നു.

വീഴ്ചയുടെ ആഘാതത്തിൽ തലയടിച്ചതിനാൽ ഒരാഴ്ചയായി തീവ്ര പരിചരണ വിഭാഗത്തിലായിരുന്നു. റമദാനിന്റെ അവസാന രാത്രികളിലും പെരുന്നാളിനും പള്ളിയിൽ ഫൈസൽ സജീവമായിരുന്നതിനാൽ ക്ഷീണിതനായിരുന്നു എന്ന് കൂട്ടുകാർ പറഞ്ഞു.

8 വർഷമായി മുസഫ പീജിയോട്ടിൽ കൗണ്ടർ സൈൽസ്​ ജീവനക്കാരനായിരുന്നു ഇദ്ദേഹം. ഭാര്യ:സിദ്‌റത്ത്. മക്കൾ:ഫാത്തിമ, യാസീൻ, ഹാഷിം, സഹോദരന്മാർ:സമീർ, ഷബീർ, ദിൽഷാദ്, മുആദ് (നാലുപേരും മസ്കത്ത്​), പരേതനായ ജാബിർ.