പ്ലാറ്റ്ഫോം വിട്ട് വേഗം കൂട്ടിക്കൊണ്ടിരുന്ന ട്രെയിനില്‍ കയറിപ്പറ്റുവാന്‍ ശ്രമിക്കുന്നതിനിടെ കമ്പിയില്‍ തൂങ്ങി പ്ലാറ്റ്‌ഫോമില്‍ കൂടി നിരങ്ങിയയാളെ സാഹസികമായി രക്ഷപെടുത്തി ആര്‍ പി എഫ് ഉദ്യോഗസ്ഥന്‍.

മുംബൈയിലെ പന്‍വേല്‍ റെയില്‍വേ സ്‌റ്റേഷനിലാണ് സംഭവം.  താമസിച്ച് റെയില്‍വേ സ്‌റ്റേഷനില്‍ എത്തിയ ഇയാള്‍ കയറിപ്പറ്റുന്നതിനു മുമ്പേ ട്രെയിന്‍ മുമ്പോട്ട് പോയിരുന്നു.

പിന്നാലെ പാഞ്ഞ അദ്ദേഹം ബോഗിയുടെ വാതിലില്‍ പിടിച്ചു തൂങ്ങിയെങ്കിലും കയറിപ്പറ്റുവാനായില്ല. അദ്ദേഹത്തെ വലിച്ചുകൊണ്ട് ട്രെയിന്‍ മുമ്പോട്ടു നീങ്ങുകയും ചെയ്തു.

സംഭവം കണ്ട ആര്‍ പി എഫ് ഉദ്യോഗസ്ഥരിലൊരാള്‍ പിന്നാലെ പാഞ്ഞ് ഇയാളെ രക്ഷിക്കുകയായിരുന്നു.

സമീപമുണ്ടായിരുന്ന സിസിടിവിയിലാണ് അപകടത്തിന്റെ ദൃശ്യങ്ങള്‍ പതിഞ്ഞത്. വിനോദ് ഷിന്‍ഡെ എന്നാണ് ഈ ആര്‍ പി എഫ് ഉദ്യോഗസ്ഥന്റെ പേര്.