തോക്ക് ജാമായി, വെടി പൊട്ടിയില്ല; 'ഠേ..ഠേ..' മിമിക്രി കാട്ടി പൊലീസ് അക്രമികളെ പിടിച്ചു
ഉത്തര്പ്രദേശില് ഏറ്റുമുട്ടലിനിടെ കുറ്റവാളിയെ മിമിക്രി കാട്ടി പേടിപ്പിക്കാന് ശ്രമം നടത്തിയ പൊലീസുകാരാണ് ഇപ്പോള് സോഷ്യല് ലോകത്ത് താരം. സംഭാലില് കുറ്റവാളികളുമായി ഏറ്റുമുട്ടല് തുടരുന്നതിനിടയിലാണ് പൊലീസുകാരുടെ തോക്ക് പ്രവര്ത്തനരഹിതമായത്. ഒടുവില് നിറയൊഴിക്കുന്നതിന്റെ ശബ്ദം ഉണ്ടാക്കിയാണ് പൊലീസ് പിടിച്ചുനിന്നത്.
രുക്സര് എന്ന കുറ്റവാളിയെ പിടികൂടാനുള്ള ശ്രമത്തിനിടയിലാണ് പൊലീസ് അസാധാരണ മിമിക്രി വൈഭവം പുറത്തെടുത്തത്. രുക്സറിനെ പിന്തുടര്ന്നെത്തിയ പൊലീസ് സംഘത്തില് ഒരാളുടെ തോക്കില് നിന്നു നിറയൊഴിക്കാന് കഴിഞ്ഞില്ല. ഇതേതുടര്ന്ന് എസ് ഐ മനോജ് കുമാര് വെടിയുതിര്ക്കുന്ന ശബ്ദം അനുകരിക്കുകയായിരുന്നു.
കരിമ്പിന് തോട്ടത്തില് ഒളിച്ച കുറ്റവാളികളെ പേടിപ്പിക്കാനായാണ് പൊലീസുകാരന് ഠേ..ഠേ.. എന്ന് ഉറക്കെ ശബ്ദമുണ്ടാക്കിയത്. ഒട്ടേറെ ക്രിമിനല് കേസുകളില് പ്രതിയായ രുക്സറിനെ പിന്നീട് പൊലീസ് അറസ്റ്റ് ചെയ്തു. കാലിനു വെടിവച്ചു വീഴ്ത്തിയാണ് ഇയാളെ പൊലീസ് പിടികൂടിയത്. ഏറ്റുമുട്ടലില് ഒരു പൊലീസുകാരന് പരുക്കേറ്റു.
https://www.facebook.com/Malayalivartha