വിവാഹം കഴിഞ്ഞ് നാല് വർഷം ഒരുമിച്ച് കഴിഞ്ഞതാണ് ഹരീഷ് ലാൽവാനി-മനീഷ ദമ്പതികൾ .എങ്കിലും കഴിഞ്ഞ വർഷം ബന്ധം വേർപിരിഞ്ഞു .

സംഭവം നടന്ന ദിവസം രാത്രി ഗുജറാത്തിലെ പ്രദേശിക നൃത്തമായ ഗർബയിൽ പങ്കെടുക്കാനെത്തിയതായിരുന്നു ഹരീഷ്. ഗർബയിൽ ചുവടുവയ്ക്കുന്നതിനിടയിലാണ് മനീഷ ഹരീഷിന്റെ കണ്ണിൽപ്പെടുന്നത്. മുൻഭാര്യ ആണെങ്കിലെന്താ.. നാല് വർഷം ഒരുമിച്ചു കഴിഞ്ഞതല്ലേ.. ഹരീഷിനു മനീഷയിൽ നിന്ന് കണ്ണെടുക്കാനായില്ല പക്ഷെ അത് മനീഷയുടെ നിലവിലുള്ള ഭർത്താവ് അശോക് ദുർഗ്ഗേഷ് തേജ്വാണിക്ക് അത്ര സുഖിച്ചില്ല .അയാൾ ഹരീഷിനെ ചീത്തവിളിക്കുകയും ക്രൂരമായി മർദ്ദിക്കുകയും ചെയ്തു

ഹരീഷിനെ മർദ്ദിക്കുന്നത് തടയാനെത്തിയ കുടുംബാംഗങ്ങളെയും അശോക് മർദ്ദിച്ചു. ആക്രമണത്തിൽ‌ പരിക്കേറ്റ ഹരീഷ് ഉൾപ്പെടെ മൂന്ന് പേരെ ആശുപത്രിയിൽ പ്രവേശിപ്പിച്ചു. സംഭവത്തിൽ ഹരീഷ് നൽകിയ പരാതിയെ തുടർന്ന് നടത്തിയ അന്വേഷണത്തിൽ അശോകിനെ പൊലീസ് അറസ്റ്റ് ചെയ്തു. ഗുജറാത്ത് വടജയിലെ സോഹരാബ്ജി സ്വദേശിയായ ഹരീഷ് ഓട്ടോറിക്ഷ ഡ്രൈവറാണ്.