നിശാശലഭങ്ങളുടെ ചിത്രങ്ങളുടെ അപൂര്വശേഖരവുമായി സജി കല്ല്യാണി
പകല് വെളിച്ചത്തില് തത്തിക്കളിക്കുന്ന ചിത്രശലഭങ്ങളെ കാണാനും അതിന്റെ ഭംഗി ആസ്വദിക്കാനും എല്ലാവര്ക്കും ഇഷ്ടമാണ്.
ശലഭങ്ങങ്ങളില് അധികമാരും ശ്രദ്ധിക്കാതെ പോകുന്ന നിശാശലഭങ്ങളെ നിരീക്ഷിക്കുന്ന സജി കല്ല്യാണിയെന്ന എഴുത്തുകാരന്റെയും , അദ്ദേഹം മൊബൈല് ഫോണില് പകര്ത്തിയ നിശാശലഭങ്ങളുടേയും വിശേഷങ്ങള് നോക്കാം.
സൂര്യന് മെല്ലെ നീങ്ങി നിലാവുദിക്കുമ്പോഴാണ് നിശാശലഭങ്ങള് എത്തുന്നത്. ഏറെ വൈവിധ്യങ്ങള് നിറഞ്ഞ ഈ ശലഭങ്ങളെ പക്ഷേ ശ്രദ്ധിക്കുന്നവര് കുറവാണ്.
എന്നാല്, കാത്തിരുന്ന് അവയെ കാണുകയും നിരീക്ഷിക്കുകയും ചെയ്യുന്നുണ്ട് കാലടി സ്വദേശിയായ സജി കല്ല്യാണി.
വൈവിധ്യങ്ങളുള്ള 300 റിലധികം നിശാശലഭങ്ങളെയാണ് കഴിഞ്ഞ ആറ് മാസം കൊണ്ട് മൊബൈല് ക്യാമറയില് പകര്ത്തിയത്. ഈ ശലഭങ്ങളെ നിരീക്ഷിക്കാന് തുടങ്ങിയതിന് പിന്നില് ഒരു കഥയുണ്ട്.
ഭാര്യ പ്രമീളയും ഈ ഉദ്യമത്തില് സജിക്കൊപ്പമുണ്ട്. ഏറെ കൗതുകത്തോടെയാണ് ഇരുവരും നിശാശലഭങ്ങളെ കാത്തിരിക്കുന്നത്.
സജിയുടെ ഇഷ്ട വിഷയം കവിതയാണ്. ഇതിനോടകം കവിതാ സമാഹാരം പുറത്തിറക്കിയിട്ടുണ്ട്. രണ്ടാം കവിത സമാഹാരം പുറത്തിറക്കാനുള്ള തയ്യാറെടുപ്പിലാണ് ഇപ്പോള്.
https://www.facebook.com/Malayalivartha
