ചൈന സ്വദേശിയായ പേരുവെളുപ്പെടുത്താത്ത ഒരാള്‍ മദ്യപിക്കവേ സുഹൃത്തുക്കളുമായി ബെറ്റ് വച്ച് സ്പൂണ്‍ വിഴുങ്ങി്. തനിക്ക് സ്പൂണ്‍ വിഴുങ്ങുവാനും അത് പോലെ തന്നെ തിരിച്ചെടുക്കുവാനും സാധിക്കുമെന്നായിരുന്നു അദ്ദേഹം വീമ്പ് പറഞ്ഞത്.

എന്നാല്‍ വിഴുങ്ങിയ എളുപ്പത്തില്‍ ഈ സ്പൂണ്‍ തിരികെയെടുക്കുവാന്‍ അദ്ദേഹത്തിനു സാധിച്ചില്ല. ആശുപത്രിയില്‍ പോകുവാന്‍ കൂട്ടാകാതിരുന്ന ഇദ്ദേഹം ഈ സ്പൂണുമായി ജീവിച്ചത് ഒരു വര്‍ഷമായിരുന്നു. അന്നനാളത്തിനുള്ളില്‍ സ്പൂണ്‍ കുടുങ്ങിയിരിക്കുക ആയിരുന്നുവെങ്കിലും ഭക്ഷണം കഴിക്കുവാനോ മറ്റു ബുദ്ധിമുട്ടുകളോ ഒന്നും ഇദ്ദേഹത്തിനുണ്ടായില്ല.

എന്നാല്‍ കുറച്ചു നാളുകള്‍ക്കു മുമ്പ് നെഞ്ചു വേദനയും ശ്വാസതടസവും അനുഭവപ്പെട്ടതിനെ തുടര്‍ന്നാണ് അദ്ദേഹം ചികിത്സയ്ക്കായി ആശുപത്രിയിലെത്തിയത്. തന്റെ അന്നനാളത്തില്‍ കഴിഞ്ഞ ഒരു വര്‍ഷമായി സ്പൂണ്‍ കുടുങ്ങിയിരിക്കുകയാണെന്ന് അദ്ദേഹം പറഞ്ഞതു കേട്ട് ഡോക്ടര്‍മാര്‍ ഞെട്ടിപ്പോയി.

പിന്നീട് ദീര്‍ഘ നേരത്തെ പരിശ്രമത്തിനു ശേഷം അദ്ദേഹത്തിന്റെ അന്നനാളത്തില്‍ നിന്നും വായയില്‍ കൂടി സ്പൂണ്‍ തിരികെയെടുക്കുകയായിരുന്നു. അദ്ദേഹം സുഖംപ്രാപിക്കുകയാണെന്നാണ് ഡോക്ടര്‍മാര്‍ അറിയിക്കുന്നത്.