കളരിപ്പയറ്റിലെ ഉറുമി വീശലില് ഹരികൃഷ്ണന് ലോകറിക്കാര്ഡ്
കേരളീയ തനതു ആയോധനകലയായ കളരിപ്പയറ്റില് പുന്നപ്ര സ്വദേശിയ്ക്ക് ലോക റിക്കാര്ഡ്.
പുന്നപ്ര തെക്ക് പഞ്ചായത്ത് രാജേശ്വരി ഭവനത്തില് ശശീന്ദ്രന്റേയും രാജേശ്വരിയുടെയും മകനായ ഹരികൃഷ്ണനാണ് കളരിപ്പയറ്റിലെ ഉറുമി വീശലില് ലോകറിക്കാര്ഡ് നേടിയത്.
37 സെക്കന്റില് ഇരട്ട ഉറുമികള് 230 തവണ വീശിയാണ് ഹരികൃഷ്ണന് ഖത്തര് ആസ്ഥാനമായി പ്രവര്ത്തിക്കുന്ന അറേബ്യന് ബുക്ക് ഓഫ് വേള്ഡ് റിക്കാര്ഡില് ഇടം കണ്ടെത്തിയത്.
ആലപ്പുഴ തലവടിയിലെ കളരിയില്, അറേബ്യന് ബുക്ക് ഓഫ് റിക്കാര്ഡ് പ്രതിനിധികളുടെ സാന്നിധ്യത്തിലായിരുന്നു പ്രകടനം.
കഴിഞ്ഞ 13 വര്ഷമായി കളരി അഭ്യസിക്കുന്ന ഹരികൃഷ്ണന് നിലവില് കളരിപ്പയറ്റ് പ്രചാരകനും അധ്യാപകനുമാണ്. 2013 മുതല് 2015 വരെ കളരിപ്പയറ്റ് ദേശീയ ചാംപ്യന്ഷിപ്പില് കേരളത്തിനായി സ്വര്ണം നേടിയിട്ടുണ്ട്.
കളരിപ്പയറ്റിലെ വിവിധ മുറകളിലെ മത്സരങ്ങളിലും ദേശീയതലത്തില് മികച്ച പ്രകടനം കാഴ്ച വച്ച ഹരികൃഷണന് തമിഴ്നാടിന്റെ ആയോധനകലയായ സിലമ്പത്തിലും പ്രാവീണ്യം നേടിയിട്ടുണ്ട്.
https://www.facebook.com/Malayalivartha
