എലിയെ പേടിച്ച് ഇല്ലം ചുടുകയെന്ന പഴമൊഴി നമുക്കൊക്കെ സുപരിചിതമാണ്. എന്നാല്‍ ഈ പഴമൊഴി ഇപ്പോള്‍ യാഥാര്‍ഥ്യമായിരിക്കുകയാണ്. എലിക്കു പകരം എട്ടുകാലിയെ പേടിച്ച് ആയിരുന്നുവെന്നു മാത്രം.

കാലിഫോര്‍ണിയയിലെ ഫ്രെസ്‌നോ സ്വദേശിയായ ഇരുപത്തിമൂന്നു വയസുകാരന്‍ തന്റെ വീട്ടില്‍ നിന്നും എട്ടുകാലികളെ തുരത്താന്‍ പുതുമയുള്ള വഴി കണ്ടുപിടിച്ചത്!

വീടിനു തീയിടുകയാണ് അയാള്‍ ചെയ്തത്. എട്ടുകാലികള്‍ കൂട്ടമായി ഇരിക്കുന്ന സ്ഥലത്ത് ചെറുതായി തീയിട്ടെങ്കിലും പിന്നീട് അത് ആളിപടരുകയായിരുന്നു.

തലനാരിഴയ്ക്കാണ് അദ്ദേഹം അപകടത്തില്‍ നിന്നും രക്ഷപെട്ടത്. പക്ഷേ വീടിന്റെ രണ്ടാം നില പൂര്‍ണമായും കത്തി നശിച്ചു.

26 ഫയര്‍ഫോഴ്‌സ് ഉദ്യോഗസ്ഥരുടെ ശ്രമഫലമായാണ് തീയണയ്ക്കുവാന്‍ സാധിച്ചത്. ഏകദേശം ഏഴര ലക്ഷം രൂപയുടെ നഷ്ടം ഈ വീടിനുണ്ടായിട്ടുണ്ട്.