ശ്വാസകോശം സ്പോഞ്ച് പോലെയാണെന്ന് പറഞ്ഞ ആ പെണ്കുട്ടി ഇതാ...
സിമ്രാന് നടേക്കര് എന്ന പതിനേഴുകാരി കൊച്ചു സുന്ദരിയെ ഇന്സ്റ്റാഗ്രാമില് ഫോളോ ചെയ്യുന്നത് പതിനായിരങ്ങളാണ്. സിമ്രാന് നടേക്കര് എന്ന് പേര് കേട്ടാല് മനസിലായില്ലെങ്കില് ശ്വാസകോശം സ്പോഞ്ച് പോലെയാണെന്ന തിയേറ്ററിലെ പുകവലിവിരുദ്ധ പരസ്യത്തെ കുറിച്ച് പറഞ്ഞാല് ആളെ പിടികിട്ടും.
അച്ഛന്റെ പുകവലി മാറ്റിയ ആ കൊച്ചുസുന്ദരി, തന്റെ പുതിയ ചില ചിത്രങ്ങള് ഇയ്യിടെ ഇന്സ്റ്റഗ്രാമില് പങ്കുവച്ചു. എന്നാല്, തീയേറ്ററില് കണ്ടുമറന്ന ആ പഴയ പെണ്കുട്ടിയാണിതെന്ന് ചിത്രങ്ങള് കണ്ടവരില് ഭൂരിഭാഗം പേര്ക്കും തിരിച്ചറിയാനായില്ല. തിരിച്ചറിഞ്ഞതോടെ പടങ്ങള് വന് ഹിറ്റായി. സിമ്രാന് ഇന്ന് വന് ആരാധകരുമുണ്ട് സോഷ്യല് മീഡിയയില്.
2008-ലാണ് സിമ്രാനെ ഉള്പ്പെടുത്തിയ കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ ആദ്യ ബോധവത്കരണ പരസ്യം പുറത്തിറങ്ങിയത്. സിനിമയ്ക്കായി ആകാംക്ഷയോടെ കാത്തിരിക്കുന്നവരില് ബഹുഭൂരിപക്ഷത്തിനും കല്ലുകടി പോലെയായിരുന്നു പിന്നീട് ട്രോളര്മാര്ക്ക് ചാകരയായ ഈ പരസ്യം.
എന്നാല്, അതിലെ കുഞ്ഞിന്റെ ദൈന്യതയാര്ന്ന മുഖം പെട്ടന്നു തന്നെ പ്രേക്ഷകരുടെ മനസ്സില് പതിഞ്ഞിരുന്നു. ഈ പരസ്യത്തിന് പകരമാണ് ഇപ്പോള് നന്നായി ബാറ്റ് ചെയ്യുമ്പോള് റണ്ണൗട്ടാവുന്നത് എന്തു കഷ്ടമാണ് എന്ന രാഹുല് ദ്രാവിഡിന്റെ പരസ്യം വരുന്നത്. വിഡിയോകോണ്, കെല്ലോഗ്സ്, ഡോമിനോസ്, ക്ലിനിക് പ്ലസ്, ബാര്ബി തുടങ്ങിയ നിരവധി പ്രമുഖ ബ്രാന്ഡുകളുടെ മോഡലായിട്ടുണ്ട് സിമ്രാന്. ഹിന്ദിയിലെ ചില ടിവി പരമ്പരകളിലും സജീവ സാന്നിധ്യമായിരുന്നു സിമ്രാന്.
https://www.facebook.com/Malayalivartha
