ഇന്ത്യ തകര്‍പ്പന്‍ വിജയം കൊയ്തതിന് പിന്നാലെ സോഷ്യല്‍ ലോകവും അതിന്റെ ആവേശം ഏറ്റെടുത്തു കഴിഞ്ഞു.

ഇപ്പോള്‍ സോഷ്യല്‍ ലോകത്ത് വൈറലാവുകയാണ് എം.എസ് ധോണിയുടെ ഈ വിഡിയോ.

ഇന്നലെ മണ്ണിലിറങ്ങിയ താരങ്ങളെ കാണാന്‍ ഒട്ടേറെ ആരാധകരാണ് ഒത്തുകൂടിയത്.

ധോണിയെ നെഞ്ചേറ്റിയ ഒരു ആരാധകന്‍, ആ തിരക്കിന്റെ ഇടയില്‍ വീല്‍ചെയറില്‍ ഉണ്ടായിരുന്നു.

തന്നെ കാണാന്‍ കൊതിച്ചെത്തിയ ആരാധകന്‍ കാത്തിരിക്കുന്നുവെന്ന് അറിഞ്ഞയുടന്‍ ഗ്രീന്‍ഫീല്‍ഡിലെത്തിയ ധോണി അങ്ങോട്ട് നടന്ന് ചെന്നു.

ഭിന്നശേഷിക്കാരനായ ആരാധകനോട് അല്‍പ നേരം സംസാരിച്ച ധോണി, ഒപ്പം നിന്ന് ചിത്രങ്ങള്‍ എടുത്ത ശേഷം ഓട്ടോഗ്രാഫും നല്‍കിയാണ് മടങ്ങിയത്. ഈ വിഡിയോയാണ് സോഷ്യല്‍ ലോകം പങ്കുവയ്ക്കുന്നത്.