കാര് അപകടത്തില് പെട്ട 53- കാരിയെ ആറാം ദിവസം കണ്ടെത്തി!
കാര് അപകടത്തില് തകര്ന്ന കാറും ഉടമയും പൊതുശ്രദ്ധയില്പ്പെട്ടത് ആറു ദിവസങ്ങള്ക്കു ശേഷം. അമേരിക്കയിലെ വിക്കന്ബര്ഗിലെ അരിസോണയിലാണ് സംഭവം. വിക്കന്ബര്ഗിലെ 60-ാംനമ്പര് റൂട്ടിലൂടെ സഞ്ചരിക്കുകയായിരുന്ന കാര് നിയന്ത്രണം നഷ്ടമായി ഉയര്ന്നു പൊങ്ങി അകലെയുള്ള മരക്കൂട്ടങ്ങളുടെ ഇടയില് ചെന്നു വീഴുകയായിരുന്നു. ഇവിടെ ഇങ്ങനെയൊരു സംഭവം നടന്നെന്ന് ആരും അറിഞ്ഞില്ല.
പിന്നീട് ആറു ദിവസങ്ങള്ക്കു ശേഷം റോഡിന്റെ സുരക്ഷയ്ക്കായ് നിയമിച്ചിട്ടുള്ള ജോലിക്കാരാണ് ഇവരെ കണ്ടെത്തിയത്. റോഡില് കൂടി അലഞ്ഞു തിരിഞ്ഞ് നടന്ന ഒരു പശുവിനെ ഓടിച്ചു വിടുവാനാണ് ഇവര് അവിടെ എത്തിയത്. അപ്പോഴാണ് റോഡിന്റെ കൈവരി തകര്ന്ന് കിടക്കുന്നതായി ഇവര് ശ്രദ്ധിക്കുന്നത്. മാത്രമല്ല മരങ്ങളില് ഒരു വാഹനം ഇടിച്ചതിന്റെ അടയാളവും ഇവരുടെ ശ്രദ്ധയില്പ്പെട്ടു.
തുടര്ന്ന് നടത്തിയ തെരച്ചിലില് ഇവര് കാര് കണ്ടെത്തി. എന്നാല് അതിനുള്ളില് ആരുമില്ലായിരുന്നു. തെരച്ചില് നിര്ത്തുവാന് തയാറാവാതിരുന്ന ഇവര് കൂടുതല് സമയം ഇവിടെ ചെലവഴിച്ച് തെരച്ചില് തുടര്ന്നു. പിന്നീട് 500 അടി അകലെ ഈ സ്ത്രീയെ കണ്ടെത്തുകയായിരുന്നു.
നിര്ജ്ജലീകരണം സംഭവിച്ച അവസ്ഥയിലായിരുന്നു ഇവര്. ആദ്യത്തെ കുറച്ചു ദിവസം കാറിനുള്ളില് താമസിച്ച അവര് ആരുടെയെങ്കിലും സഹായമഭ്യര്ത്ഥിക്കാന് കാറില് നിന്ന് ഇറങ്ങി നടക്കുകയായിരുന്നുവെന്ന് ആ 53-കാരി പറഞ്ഞു. ഹെലികോപ്റ്ററില് ഇവരെ ആശുപത്രിയില് എത്തിച്ചു.
https://www.facebook.com/Malayalivartha