വീട്ടമ്മ അഞ്ച് ദിവസം ബാത്ത്ടബ്ബിനുള്ളില് കുടുങ്ങി കിടന്നു!
54-കാരിയായ ഒരു വീട്ടമ്മ ബാത്ത് ടബ്ബിനുള്ളില് അഞ്ച് ദിവസം കുടുങ്ങി കിടന്നു. അമേരിക്കയിലെ മിഷിഗണിലാണ് സംഭവം. ആലിസണ് ഗിബ്ബ്സണ് എന്നു പേരുള്ള സ്ത്രീക്കാണ് ഈ ദുരനുഭവമുണ്ടായത്. ബത്ത് ടബ്ബില് ഇരുന്ന ഇവര് കുളിച്ചു കഴിഞ്ഞ ശേഷം എഴുന്നേല്ക്കാന് ശ്രമിച്ചുവെങ്കിലും അതിന് സാധിക്കാതെ വരികയായിരുന്നു. ബാത്ത് ടബ്ബില് എഴുന്നേല്ക്കുവാന് സഹായിക്കുന്ന ഉപകരണത്തില് പിടിച്ച് എഴുന്നേല്ക്കുവാന് ശ്രമിച്ചുവെങ്കിലും ഇവര് പരാജയപ്പെട്ടു.
ഫോണ് മുറിയില് വച്ചിരുന്നതിനാല് ഇവര്ക്ക് ആരെയും ബന്ധപ്പെടുവാനും സാധിച്ചില്ല. വീട്ടില് ഇവര് തനിയെയാണ് താമസിക്കുന്നത്. തുടര്ന്ന് അഞ്ച് ദിവസമാണ് ഇവര് ബാത്ത് ടബ്ബില് ചിലവഴിച്ചത്. ഇനിയൊരിക്കലും പുറം ലോകം കാണില്ലെന്ന് കരുതിയ ഇവര്ക്ക് മുന്നില് സഹായമെത്തിയത് പോസ്റ്റ്മാന്റെ രൂപത്തിലായിരുന്നു.
ആലിസണിന്റെ വീട്ടില് കത്ത് ഇട്ടുകൊണ്ടിരുന്നയാള് കുറച്ചു ദിവസങ്ങളായി ഇവര് കത്തുകളൊന്നും എടുക്കുന്നില്ലെന്ന് ശ്രദ്ധിച്ചു. ഇദ്ദേഹം ആലിസണ്ന്റെ അയല്പക്കകാരെ വിവരം അറിയിച്ചു.
ഇവരുടെ ഒപ്പം ആലിസണ്ന്റെ വീട്ടിലെത്തിയപ്പോഴാണ് സഹായം അഭ്യര്ത്ഥിച്ചുള്ള ശബ്ദം ഇവര് വീടിനുള്ളില് നിന്നും കേള്ക്കുന്നത്. തുടര്ന്ന് ഇവര് അറിയിച്ചതിനെ തുടര്ന്ന് എത്തിയ പോലീസുദ്യോഗസ്ഥരാണ് ആലിസണിനെ രക്ഷിച്ചത്.
ഇവര് ആലിസണിനെ ആശുപത്രിയില് പ്രവേശിപ്പിച്ചു. നാലു ദിവസത്തെ ചികിത്സയ്ക്കു ശേഷം ആലിസണ് സുഖം പ്രാപിച്ചിരിക്കുകയാണ്.
https://www.facebook.com/Malayalivartha