വിമാനത്തിനുള്ളില് വിശന്നു കരഞ്ഞ കുഞ്ഞിന് എയര്ഹോസ്റ്റസ് മുലയൂട്ടി!
ഫിലിപ്പെന്സിലുള്ള ഒരു വിമാന കമ്പനിയിലെ ജീവനക്കാരിയായ പെട്രീഷ്യ ഓഗനൊ് തന്റെ കാരുണ്യപ്രവര്ത്തിയിലൂടെ ലോക മനസാക്ഷിയുടെ കൈയടി നേടുകയാണ്.
വിമാനം ടേക്ക് ഓഫ് ചെയ്ത് കഴിഞ്ഞ് ഒരു കൈക്കുഞ്ഞ് അസാധാരണമായി കരയുന്നത് കേട്ടാണ് പെട്രീഷ്യ ഈ കുട്ടിയെ എടുത്തിരിക്കുന്ന ഒരു യുവതിയുടെ സമീപത്തേക്ക് ചെന്നത്. കുഞ്ഞിന്റെ കരച്ചില് കേട്ട് മനസലിവ് തോന്നിയ ഇവര് യുവതിയോട് കുഞ്ഞിനെ മുലയൂട്ടാന് ആവശ്യപ്പെട്ടു.
പക്ഷെ ഈ യുവതിയുടെ കൈവശമുണ്ടായിരുന്ന ഫോര്മുല മില്ക്ക് തീര്ന്നു പോയിരുന്നു. ഫോര്മുല മില്ക്ക് തന്റെ കൈവശമില്ലെന്ന് പെട്രീഷ്യയോട് പറഞ്ഞ ഇവര് അത് ലഭിക്കുവാന് എന്തെങ്കിലും മാര്ഗമുണ്ടോയെന്ന് പെട്രീഷ്യയോട് ആരായുകയും ചെയ്തു.
എന്നാല് വിമാനത്തിനുള്ളില് ഫോര്മുല മില്ക്ക് ലഭ്യമല്ലായിരുന്നു. കുഞ്ഞിന്റെ കരച്ചിലും അമ്മയുടെ നിസഹായവസ്ഥയും കണ്ട് മനസലിഞ്ഞ പെട്രീഷ്യ, കുട്ടിയെ മുലയൂട്ടുവാന് തയാറാവുകയായിരുന്നു. ഒമ്പത് മാസം പ്രായമുള്ള കുട്ടിയുടെ അമ്മയും കൂടിയാണ് പെട്രീഷ്യ.
തനിക്കൊരിക്കലും മറക്കാന് സാധിക്കാത്ത അനുഭവമാണെന്ന് പറഞ്ഞ് പെട്രീഷ്യ തന്നെയാണ് ഇതെ കുറിച്ച് ഫേസ്ബുക്കില് കുറിപ്പ് പങ്കുവച്ചത്. ഇവരുടെ ഫേസ്ബുക്ക് പോസ്റ്റ് അന്താരാഷ്ട്രമാധ്യമങ്ങളടക്കം ആയിരക്കണക്കിനാളുകളാണ് ഏറ്റെടുത്തിരിക്കുന്നത്. മാത്രമല്ല ഇവര് ചെയ്ത പുണ്യ പ്രവര്ത്തിയെ അഭിനന്ദിച്ചും നിരവധിയാളുകള് രംഗത്തെത്തിയിരിക്കുകയാണ്.
https://www.facebook.com/Malayalivartha