മധുരം കിനിയുന്ന ഓറഞ്ചുമായി മറയൂര് മലകള്!
മറയൂര് മലകളിലിപ്പോള് മധുവൂറും ഓറഞ്ചിന്റെ വിളവെടുപ്പു കാലമായി. വലുപ്പം കുറവാണെങ്കിലും മധുരം കിനിയുന്ന ഓറഞ്ചാണ് ഇവിടത്തെ പ്രത്യേകത.
സമുദ്രനിരപ്പില്നിന്ന് 4500 അടി ഉയരത്തില് സ്ഥിതി ചെയ്യുന്ന തലയാര്, വാഗുവരൈ തേയിലത്തോട്ടങ്ങളില് ഇടവിളയായാണ് ഓറഞ്ച് കൃഷിയിറക്കിയിരിക്കുന്നത്.
ശൈത്യകാല ആരംഭത്തില് ഒക്ടോബര്- ഡിസംബറിലാണ് വിളവെടുപ്പ്.
തേയിലത്തോട്ടങ്ങളില് വര്ണവുമായി തലയുയര്ത്തി നില്ക്കുന്ന ഓറഞ്ച് മരങ്ങള് മൂന്നാര്-മറയൂര് റൂട്ടിലെ മനോഹര കാഴ്ചയാണിപ്പോള്.
കീടനാശിനികളോ രാസവസ്തുക്കളോ ഉപയോഗിക്കാത്ത ശുദ്ധമായ ഓറഞ്ചാണ് ഇവിടത്തെ പ്രത്യേകത.
ഈ റൂട്ടില് പാതയോരങ്ങളില് വി!ല്പനയ്ക്കു കൂട്ടിയിട്ടിരിക്കുന്ന ഓറഞ്ച് വാങ്ങാനെത്തുന്നതു കൂടുതലും വിനോദസഞ്ചാരികളാണ്. കിലോയ്ക്ക് 50 മുതല് 60 രൂപ വരെയാണു വില.
https://www.facebook.com/Malayalivartha