മകന്റെ ടീമിനെതിരെ എതിര്ടീം ഗോള് നേടുന്നത് തടയാന് ആ അച്ഛന് തന്നാലാവത് ശ്രമിച്ചു, പക്ഷേ...
ഫുട്ബോള് മത്സരത്തില് ഗോളിയായി നിന്ന തന്റെ മകനെ പിതാവ് സഹായിക്കുന്നതിന്റെ ഏറെ രസകരമായ ദൃശ്യങ്ങളാണ് ഇപ്പോള് സോഷ്യല്മീഡിയയില് ചര്ച്ച ചെയ്യുന്നത്. യുകെയിലെ ഒരു സ്കൂളിലാണ് സംഭവം.
ആ അച്ഛന്റെ കുട്ടിയായിരുന്നു ഗോള്വലയം കാത്തത്. കളി കണ്ടുകൊണ്ട് സമീപത്ത് തന്നെ പിതാവും നില്ക്കുന്നുണ്ടായിരുന്നു. എതിര് ടീമിലെ കുട്ടി പന്തുമായി വന്ന് ഈ കുട്ടി നില്ക്കുകയായിരുന്ന ഗോള് പോസ്റ്റിലേക്ക് പന്ത് പായിച്ചു. എന്നാല് ഈ സമയം ഗോളിയായി നിന്ന കുട്ടി വളരെ അശ്രദ്ധമായി പോസ്റ്റിന്റെ ഒരു സൈഡിലാണ് നിന്നിരുന്നത്.
ഇത് ശ്രദ്ധിച്ച പിതാവ് പന്തിന്റെ ദിശയ്ക്കു നേര്ക്ക് തന്റെ മകനെ തള്ളി വിടുകയായിരുന്നു. എന്നാല് ഈ തള്ളില് മകന് നിലത്തേക്കു വീണു. ഉരുണ്ടെത്തിയ പന്ത് ഗോള് പോസ്റ്റിലേക്കും കയറി. എതിര് ടീം ഗോള് അടിച്ചതിന്റെ നിരാശയില് പിതാവ് അന്തരീക്ഷത്തില് കൈ ചുരുട്ടി ഇടിക്കുന്നത് വീഡിയോയില് കാണാം.
കാണികളിലൊരാള് പകര്ത്തി സോഷ്യല്മീഡിയയില് പങ്കുവച്ച ദൃശ്യങ്ങള് 10 മില്യണിലധികം ആളുകളാണ് കണ്ടുകഴിഞ്ഞത്. മാത്രമല്ല രസകരമായ പ്രതികരണം പങ്കുവച്ചും നിരവധിയാളുകളും രംഗത്തെത്തിയിട്ടുണ്ട്.
https://www.facebook.com/Malayalivartha