കാലിഫോര്‍ണിയയിലെ ലോഡി സ്വദേശിയായ പോള്‍ വുഡ് എന്നയാള്‍ ഡോക്ടര്‍മാരെ അമ്പരപ്പിച്ചിരിക്കയാണ്.

മാസങ്ങള്‍ക്കു മുമ്പേ പോളിന് അതികഠിനമായ തലവേദനയും തലകറക്കവും ആരംഭിച്ചിരുന്നു.

തുടര്‍ന്ന് നടത്തിയ വിശദമായ പരിശോധനയില്‍ ഇദ്ദേഹത്തിന് തലച്ചോറില്‍ ട്യൂമറാണെന്ന് കണ്ടെത്തുകയായിരുന്നു. പിന്നീട് ഡോക്ടര്‍മാര്‍ ആലോചിച്ച് ഇദ്ദേഹത്തിന്റെ തലച്ചോറില്‍ ശസ്ത്രക്രിയ നടത്തുവാന്‍ തീരുമാനിച്ചു.

എന്നാല്‍ ശസ്ത്രക്രിയ നടത്തുവാന്‍ തീരുമാനിച്ചിരുന്ന ദിവസത്തിന്റെ തലേന്ന് എല്ലാവരെയും അമ്പരപ്പിച്ചുകൊണ്ട് ഇദ്ദേഹത്തിന്റെ തലച്ചോറിലെ ട്യൂമര്‍ അപ്രത്യക്ഷമാകുകയായിരുന്നു.

ദൈവത്തിന്റെ അത്ഭുതമെന്നാണ് തന്റെ മേല്‍ നടന്ന ഈ പ്രതിഭാസത്തെ പോള്‍ വിശേഷിപ്പിക്കുന്നത്.

ട്യൂമര്‍ ആണെന്നറിഞ്ഞ് നിരവധിയാളുകള്‍ തനിക്കു വേണ്ടി പ്രാര്‍ഥിച്ചിരുന്നുവെന്നും അതിനാല്‍ ദൈവം തന്നെ അനുഗ്രഹിച്ചതാണെന്നും പോള്‍ പറഞ്ഞു.

സ്തബ്ധരായ ഡോക്ടര്‍മാര്‍ എന്താണ് ശരിക്കും നടന്നതെന്ന് അറിയുവാനുള്ള വിശദ പരിശോധന പോളില്‍ നടത്തുകയാണ്. പോളിന്റെ കഥ സോഷ്യല്‍മീഡിയയില്‍ വ്യാപകമായി പ്രചരിക്കുന്നുമുണ്ട്.