പെനാല്റ്റി തടഞ്ഞത് ഗ്രൗണ്ടില് എത്തിയ ഒരു നായ!
നിര്ണ്ണായക മല്സരത്തില് താന് പെനാല്റ്റി തടഞ്ഞതിനാല് ടീം ജയിക്കുന്നതൊക്കെ ഗോള് കീപ്പര്മാരുടെ ദിവാസ്വപ്നങ്ങളിലൊക്കെ കടന്നു വരുന്ന ദൃശ്യമായിരിക്കും. അങ്ങനെ സംഭവിച്ചാല് ആ ഗോള് കീപ്പറെ സൂപ്പര്താരമായി ആഘോഷിക്കുന്ന കാലമാണിത്. ലോകോത്തര കാല്പന്ത് കളിക്കാരുടെ ലിസ്റ്റില് നമുക്ക് എണ്ണം പറഞ്ഞ നിരവധി ഗോള്കീപ്പര്മാര് ഉണ്ട് താനും.
താരങ്ങളുടെ ചലനത്തിന് അനുസരിച്ച് ഒഴുക്കോടെ പന്തിന്റെ ദിശയിലേയ്ക്ക് പറന്ന് പന്ത് കൈപ്പിടിയിലൊതുക്കുന്ന ഗോളി കാണികളുടെ കണ്ണിലുണ്ണിയായി മാറുന്നത് പതിവുകാഴ്ചയാണ് താനും.
എന്നാല് ഒരു മല്സരത്തില് പന്തിന്റെ ചലനം മനസിലാക്കാന് ഗോളി പരാജയപ്പെട്ടപ്പോള് പെനാല്റ്റി രക്ഷപ്പെടുത്തിയത് ഒരു നായയാണ്.ഇതിന്റെ വിഡിയോ സമൂഹമാധ്യമങ്ങളില് തരംഗമാകുകയാണ്.രാജ്യാന്തര മാധ്യമങ്ങളാണ് ഇത് സംബന്ധിച്ച റിപ്പോര്ട്ട് പുറത്തു വിട്ടത്.
മത്സരത്തിന്റെയും താരങ്ങളുടെയും പേര് അധികൃതര് പുറത്തു വിട്ടില്ലെങ്കിലും ചിത്രങ്ങള് പുറത്തുവന്നത് ആവേശം ഇരട്ടിപ്പിച്ചു. പെനാല്റ്റി തടയാന് ഗോള്കീപ്പര് പോസ്റ്റിന്റെ വലതുമൂലയിലേയ്ക്ക് ചാടിയപ്പോള് പന്ത് പോയത് പോസ്റ്റിന്റെ ഇടതുമൂലയിലേയ്ക്കാണ്. എന്നാല് കൃത്യസമയത്ത് പോസ്റ്റിന്റെ ഇടതുമൂലയില് എത്തിയ ഡാഷ്ഹണ്ട് വിഭാഗത്തില്പ്പെട്ട നായയുടെ ദേഹത്തു തട്ടി പന്ത് പുറത്തേക്ക് പോകുകയായിരുന്നു.
https://www.facebook.com/Malayalivartha
