5000 രൂപയുടെ സമ്മാനം കിട്ടിയോയെന്ന് ദീപക് തിരഞ്ഞുനോക്കി, ഇല്ലാത്തതിനാല് ടിക്കറ്റ് വലിച്ചെറിഞ്ഞു; 10 ലക്ഷം രൂപയുടെ സമ്മാനത്തിനിടയില് തിരഞ്ഞിരുന്നെങ്കില്...!
കേരള ഭാഗ്യക്കുറിയുടെ കാരുണ്യ പ്ലസ് നറുക്കെടുപ്പില് താന് വിറ്റ ടിക്കറ്റിന് രണ്ടാം സ്ഥാനമായ പത്തുലക്ഷം രൂപ ലഭിച്ചതായി കഴിഞ്ഞ എട്ടിനു തന്നെ ഏജന്റ് കരവട്ടെ ചേലയ്ക്കല് വിജയന് മനസ്സിലാക്കി. എന്നാല്, ടിക്കറ്റ് എടുത്തത് ആരെന്ന സന്ദേഹം ബാക്കി.
ഒടുവില് സംശയ നിവൃത്തിവരുത്താനാണ് ദീപക്കിനെ തേടിപ്പിടിച്ചത്. 5000 രൂപയുടെ സമ്മാനം നോക്കി ഇല്ലെന്നു കണ്ട് ടിക്കറ്റ് അപ്പോള് തന്നെ ഉപേക്ഷിച്ചെന്നായിരുന്നു ദീപക്കിന്റെ മറുപടി. തൃപ്പൂണിത്തുറയിലാണ് സംഭവം.
രാത്രി ജോലി കഴിഞ്ഞ് ഭക്ഷണം കഴിച്ച ഹോട്ടലിനു മുന്പിലെ റോഡില് ആ പത്ത് ലക്ഷം രൂപ മഴയും മഞ്ഞുമേറ്റു കിടന്നത് ഒരു പകലും രാത്രിയും. രാത്രി ജോലി കഴിഞ്ഞ് ഭക്ഷണം കഴിച്ച ഹോട്ടലിനു മുന്പിലെ റോഡില് അരിച്ചുപെറുക്കി ടിക്കറ്റ് കണ്ടെടുത്തു.
കല്പ്പണിക്കാരനാണു ദീപക്. സമ്മാനാര്ഹമായ ടിക്കറ്റ് തിരുവനന്തപുരത്ത് ട്രഷറിയില് നല്കി. കാശുമുടക്കിയെടുത്ത ലോട്ടറി ടിക്കറ്റിനു സമ്മാനമുണ്ടോയെന്നു നോക്കാനുള്ള ക്ഷമയെങ്കിലും കാട്ടണമെന്നാണു വിജയന്റെ ഉപദേശം.
പടികടന്നു പോയ ഭാഗ്യദേവതയെ തിരികെ വിളിച്ച് തന്റെ കൈപിടിപ്പിച്ചതിന്റെ ആഹ്ലാദത്തിലാണു വരിക്കാംകുന്ന് സ്വദേശി ദീപക്.
https://www.facebook.com/Malayalivartha
