സഹയാത്രികരെ അമ്പരപ്പിച്ചുകൊണ്ട് കുറുക്കനെ ചുമലിലേറ്റി യുവതിയുടെ ട്രെയിന് യാത്ര!
നമ്മളുടെ യാത്രക്കിടയില് അസാധാരണമായ നിരവധി ദൃശ്യങ്ങള് കണ്ണിലുടക്കാറുണ്ട്. അതില് ചില കാഴ്ചകള് കണ്ട് നമ്മള് അന്തംവിട്ട്പോകും. അത്തരമൊരു അസാധാരണമായ കാഴ്ചയില് സോഷ്യല്മീഡിയയുടെ കണ്ണുടക്കി.റഷ്യയിലെ മോസ്കോയിലാണ് സംഭവം.
റെയില്വേ സ്റ്റേഷനില് ട്രെയിന് കാത്തു നില്ക്കുന്ന ഒരു യുവതി തന്റെ തോളില് കുറുക്കനെ ചുമന്ന് നില്ക്കുന്ന കാഴ്ചയായിരുന്നു ഇത്.
മുഖത്ത് യാതൊരു ഭാവ വ്യത്യാസങ്ങളുമില്ലാതെ നിന്ന ഇവര് മറ്റ് യാത്രക്കാരെ പോലെ തന്നെ നില്ക്കുകയായിരുന്നു.
എന്നാല് റെയില്വേ സ്റ്റേഷനിലെ മറ്റ് യാത്രികരുടെ കണ്ണുകള് ഈ യുവതിയിലും ഇവരുടെ ചുമലില് ഇരിക്കുന്ന വളര്ത്തുകുറുക്കനിലുമായിരുന്നു.
ട്രെയിന് എത്തുമ്പോള് ഇരുവരും അതിനുള്ളിലേക്ക് കയറിപ്പോകുന്നിടത്ത് വീഡിയോ ദൃശ്യങ്ങള് അവസാനിക്കുകയാണ്.
സോഷ്യല്മീഡിയയില് പ്രചരിക്കുന്ന വീഡിയോയ്ക്ക് പ്രതികരണവുമായി നിരവധിയാളുകള് രംഗത്തെത്തിയിട്ടുണ്ട്.
https://www.facebook.com/Malayalivartha
