സോഷ്യല്മീഡിയയില് വൈറലാകുന്നു സില്ക്ക് സ്മിതയുടെ മുഖവും ഭാവങ്ങളുമായി ഒരു പെണ്കുട്ടി
ദക്ഷിണേന്ത്യന് ഭാഷാചിത്രങ്ങളില് 1980/90 കാലത്ത് നിറഞ്ഞു നിന്നിരുന്ന നടിയാണ് സില്ക്ക് സ്മിത. വിവിധ ഭാഷകളിലായി നിരവധി സിനിമകളില് സ്മിത അഭിനയിച്ചു. തമിഴില് രജനീകാന്ത്, കമല്ഹാസന് എന്നിവരടക്കമുള്ള നടന്മാര്ക്കൊപ്പവും താരം വേഷമിട്ടിട്ടുണ്ട്. തന്റെ 36-ാം വയസില് ആത്മഹത്യയിലൂടെ സില്ക്ക് സ്മിത ജീവിതം അവസാനിപ്പിക്കുകയായിരുന്നു. ഇപ്പോള് സില്ക് സ്മിതയുടെ രൂപ സാദൃശ്യമുള്ള ഒരു പെണ്കുട്ടിയുടെ ടിക് ടോക് വിഡിയോ സമൂഹമാധ്യമങ്ങളില് വൈറലാവുകയാണ്.
രജനീകാന്തും സ്മിതയും അഭിനയിച്ച 'പേസ കൂടാത്' എന്ന ഗാനമാണ് പെണ്കുട്ടി ടിക് ടോകിനായി തിരഞ്ഞെടുത്തത്. വിഡിയോയിലെ പെണ്കുട്ടിയെ ഒറ്റ നോട്ടത്തില് കണ്ടാല് സ്മിതയാണെന്നേ പറയൂ എന്നാണ് വിഡിയോയുടെ കമന്റുകള്. വിഡിയോ കണ്ടവരൊക്കെ പെണ്കുട്ടി സില്ക്ക് സ്മിതയെ ഓര്മ്മിപ്പിക്കുന്നുവെന്നാണ് പറയുന്നത്. ചിലര് സ്മിത പുനര്ജനിച്ചതാണോയെന്നും ചോദിക്കുന്നുണ്ട്.
തമിഴില് വിനു ചക്രവര്ത്തിയുടെ 'വണ്ടിചക്ര' എന്ന ചിത്രത്തിലൂടെയണ് സില്ക്ക് സ്മിത അഭിനയ രംഗത്തെത്തുന്നത്. 1970-ല് ഇണയേത്തേടി എന്ന ചിത്രത്തിലൂടെ മലയാളത്തിലുമെത്തി. 1996-ല് ചെന്നൈയിലെ തന്റെ വീട്ടില് വച്ച് സ്മിത ആത്മഹത്യ ചെയ്യുകയായിരുന്നു.
https://www.facebook.com/Malayalivartha
