നാസയുടെ ബഹിരാകാശ സഞ്ചാരിയായ ക്രിസ്റ്റീന കോച്ച് 328 ദിവസങ്ങള്‍ ഇന്റര്‍ നാഷണല്‍ സ്‌പേസ് സ്റ്റേഷനിലായിരുന്നു. അപ്രകാരം ബഹിരാകാശത്ത് 11 മാസങ്ങള്‍ ചിലവിട്ടതിന് ശേഷം തിരികെ വീട്ടിലെത്തിയ ബഹിരാകാശ സഞ്ചാരിയെ കണ്ട വളര്‍ത്തുനായയുടെ സന്തോഷമാണ് സോഷ്യല്‍മീഡിയയുടെ കൈയടി നേടുന്നത്.

ടെക്സസില്‍ താമസിക്കുന്ന ഇവര്‍ വീട്ടിലെത്തിയപ്പോള്‍ ക്രിസ്റ്റീനയെ കണ്ട സന്തോഷം അടക്കാനാകാതെ വളര്‍ത്തുനായ തുള്ളിച്ചാടുന്നത് വീഡിയോയില്‍ കാണാം. നിലത്തിരുന്ന ക്രിസ്റ്റീനയുടെ ശരീരത്തിലേക്ക് നായ ചാടി കയറുകയും മുഖത്ത് നക്കുകയും ചെയ്തു.

ദൃശ്യങ്ങള്‍ വൈറലായി മാറുകയാണ്. ക്രിസ്റ്റീന ട്വിറ്ററില്‍ പങ്കുവച്ചിരിക്കുന്ന വീഡിയോയ്ക്ക് നാസയും പ്രതികരണം നല്‍കിയിട്ടുണ്ട്.