3-ാം ക്ലാസുകാരന്റെ താളപ്പെരുക്കം സമൂഹമാധ്യമങ്ങളില് തരംഗമായി!
25 FEBRUARY 2020 03:26 PM IST
മലയാളി വാര്ത്ത
തലവടി ചെത്തിപ്പുരയ്ക്കല് ഗവ. എല്പി സ്കൂള് മൂന്നാം ക്ലാസ് വിദ്യാര്ഥി സനൂപ് ഡെസ്കില് താളം പിടിക്കുന്ന വിഡിയോ സമൂഹമാധ്യമത്തില് വൈറലായി.
വിഡിയോയ്ക്ക് 2 ലക്ഷത്തോളം ലൈക്കുകളാണ് ഇതിനകം കിട്ടിയത്. പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി 'ഓരോ കുട്ടിയും പ്രതിഭ' എന്ന പരിപാടിയുടെ ഉച്ചഭക്ഷണശേഷമുള്ള ഇടവേളയില് ആയിരുന്നു സനൂപിന്റെ പ്രകടനം.
15 മിനിറ്റിലേറെ നിര്ത്താതെ താളം പിടിക്കുന്നതുകണ്ട് അധ്യാപകനായ ജയശങ്കറാണ് ക്യാമറയില് പകര്ത്തിയത്. ഈ വിഡിയോ ആണ് സമൂഹമാധ്യമങ്ങളില് തരംഗമായത്.
ആയിരത്തിലേറെ പേര് വിവിധ മാധ്യമങ്ങളിലൂടെ വിഡിയോ പങ്കുവച്ചു. മലയാള മനോരമ നല്ലപാഠം ക്ലബ് അംഗമായ സനൂപ് കവിതകള്ക്കു സ്വന്തമായി ഈണം നല്കി പാടാനും മിടുക്കനാണ്. അച്ഛന് ശശി തെങ്ങുകയറ്റത്തൊഴിലാളിയാണ്. അമ്മ: സന്ധ്യ. സഹോദരന് സന്ദീപ് 7ാം ക്ലാസ് വിദ്യാര്ഥിയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
