വീടിനുള്ളില് കുട്ടിത്തേവാങ്ക്!
തണ്ണിത്തോടിനടുത്ത് തേക്കുതോട് ഏഴാംതല താന്നിക്കുഴിയില് ബിജുവിന്റെ വീടിന്റെ സ്വീകരണമുറിയില് കുട്ടിത്തേവാങ്കിനെ കണ്ടെത്തി. വടശേരിക്കര റേഞ്ചിലെ ഗുരുനാഥന്മണ്ണ് ഫോറസ്റ്റ് സ്റ്റേഷനില് നിന്ന് വനപാലകരെത്തി കുട്ടിത്തേവാങ്കിനെ പിടികൂടി വനത്തില് വിട്ടു.
വംശനാശഭീഷണി നേരിടുന്നതും ഷെഡ്യൂള് ഒന്നില്പ്പെട്ടതുമായ കുട്ടിത്തേവാങ്ക് സസ്യഭുക്കാണ്. നീര്തീനി എന്നും ഇതിനെ അറിയപ്പെടുന്നു. ഗുരുനാഥന്മണ്ണ് ഫോറസ്റ്റ് സ്റ്റേഷനിലെ സെക്ഷന് ഫോറസ്റ്റ് ഓഫിസര് എം.എ.ഷാജി, ബീറ്റ് ഫോറസ്റ്റ് ഓഫിസര്മാരായ എഫ്. പ്രകാശ്, എച്ച്.ഷാജി, ഡ്രൈവര് എസ്.ഷാജി എന്നിവര് ചേര്ന്നാണ് കുട്ടിത്തേവാങ്കിനെ പിടികൂടിയത്. ഇതിനിടെ സെക്ഷന് ഫോറസ്റ്റ് ഓഫിസര് എം.എ.ഷാജിയുടെ കൈവിരലിലാണ് കടിയേറ്റത്.
വന്കാടുകളില് ഈറ്റക്കൂട്ടങ്ങള്ക്കിടയിലും വന്മരങ്ങളുമാണ് ഇവയുടെ വാസ സ്ഥലം. റാന്നി വനം ഡിവിഷന് പരിധിയില് ആദ്യമായാണ് കുട്ടിത്തേവാങ്കിനെ പിടികൂടുന്നതെന്നും കോന്നി വനം ഡിവിഷനില് അടുത്ത കാലത്തൊന്നും ലഭിച്ചതായി റിപ്പോര്ട്ട് ചെയ്യപ്പെട്ടിട്ടില്ലെന്നും വനംവകുപ്പ് അധികൃതര് പറഞ്ഞു.
https://www.facebook.com/Malayalivartha
