94-ന്റെ ചെറുപ്പവുമായി ഒരു മുത്തശ്ശന്!
ബ്രിട്ടീഷ് ഇന്ത്യയിലും സ്വതന്ത്ര ഇന്ഡ്യയിലും ജീവിച്ച അനുഭവങ്ങളുമായി പ്രായം തളര്ത്താത്ത ആവേശത്തോടെ മുന്നേറുകയാണ് പയ്യനാമണ് താഴം തുണ്ടില് ടി.വി.ജോര്ജ്.
അദ്ദേഹം ഒറ്റയ്ക്ക് കാര് ഓടിച്ചു പോകുന്നത് നാട്ടുകാര് കൗതുകത്തോടെ നോക്കി നില്ക്കും. കാരണം 1926 ഏപ്രില് 27-ന് ജനിച്ച ജോര്ജ്ജിന് പ്രായം 94 ആയി. ഇപ്പോഴും കാഴ്ച ശക്തിക്കും കേള്വിക്കും കുഴപ്പമില്ല. നല്ല ആരോഗ്യവാന്. അതുതന്നെയാണ് നാട്ടുകാര്ക്ക് കൗതുകമുണര്ത്തുന്ന വിഷയവും.
നേരത്തെ കോന്നിയില് ചിട്ടി ഫണ്ട് നടത്തിയിരുന്നവെങ്കിലും 85-ാമത്തെ വയസ്സില് ഭാര്യ ശോശാമ്മ മരിച്ചതോടെ ചിട്ടി ഫണ്ട് നിര്ത്തി. എങ്കിലും വെറുതെ ഇരിക്കാന് തയാറായില്ല.
വീട്ടില് വെറുതെ ഇരുന്നാല് രോഗങ്ങള് പിടിപെടുമെന്ന് കരുതി ദിവസവും വാഹനവുമായി കോന്നി, പത്തനംതിട്ട എന്നിവിടങ്ങളില് എത്തി അത്യാവശ്യം വേണ്ട സാധനങ്ങള് വാങ്ങി തിരിച്ചു പോകും. മകന് ജോര്ജ് മാത്യു എറണാകുളത്താണ് താമസം. ഇടയ്ക്ക് അവിടേക്ക് പോകും. ഇടയ്ക്ക് തിരുവനന്തപുരത്തേക്കും പോകും. അതെല്ലാം ഒറ്റയ്ക്ക് കാര് ഓടിച്ചുതന്നെ.
https://www.facebook.com/Malayalivartha