300 കിഗ്രാം തൂക്കമുള്ള അച്ചിണി സ്രാവും ഒപ്പം പൂന്തി സ്രാവെന്നറിയുന്ന 50 കി ഗ്രാം തൂക്കമുള്ള മത്സ്യവും ഇന്നലെ വൈകിട്ടോടെ വിഴിഞ്ഞം മത്സ്യബന്ധന തീരത്ത് ചൂണ്ടയില്‍ കുരുങ്ങി.

ക്രിസ്റ്റഫറിന്റെ നേതൃത്വത്തിലുള്ള മത്സ്യത്തൊഴിലാളികള്‍ 5 മണിക്കൂര്‍ ശ്രമിച്ച് സാഹസികമായാണ് ഇവയെ പിടികൂടിയത്.

ഇന്നലെ. മുല്ലൂര്‍ ഭാഗത്തെ കടലില്‍ കരമടി വലയില്‍ റൂബന്‍ സേവ്യറിന്റെ നേതൃത്വത്തിലുള്ള 36 അംഗ മത്സ്യത്തൊഴിലാളി സംഘത്തിനു ചൂരമീനിന്റെ വലിയ ശേഖരം ലഭിച്ചതും കൗതുകമായി.

തീരത്ത് മീനൊന്നിന് വലിപ്പമനുസരിച്ച് 100 രൂപ മുതല്‍ 300 രൂപ വരെയായിരുന്നു വിലയെന്നും ആകെ രണ്ടു ലക്ഷത്തോളം രൂപയുടെ മത്സ്യം ലഭിച്ചുവെന്നും തൊഴിലാളികള്‍ പറഞ്ഞു.