കേരളത്തിന്റെ കിണര്, ഉപയോഗിക്കുന്നത് തമിഴ്നാട്!
കോവിഡ് 19-ന്റെ പരിശോധന അതിര്ത്തിയില് ശക്തമായതോടെ് കോട്ടവാസല് അതിര്ത്തിയില് കേരളത്തിന്റെ ഭാഗത്തുള്ള കിണര് വീണ്ടും വാര്ത്തയില് ഇടം നേടുന്നു.
തെന്മല അതിര്ത്തിയിലെ കിണര് കേരളത്തിലാണെങ്കിലും ഉപയോഗിക്കുന്നത് കൂടുതലും തമിഴ്നാട്ടില് താമസിക്കുന്നവരാണ്.
കോട്ടവാസലില് പൊലീസ് പരിശോധന നടത്തുമ്പോള് തമിഴ്നാട് - കേരള പൊലീസിന്റെ ദാഹം അകറ്റുന്നതും ഈ കിണറാണ്.
രാജഭരണകാലത്ത് തിരുവിതാംകൂര് മഹാരാജാവ് ആര്യങ്കാവ് ക്ഷേത്ര ദര്ശനത്തിന് ശേഷം തെങ്കാശി കുറ്റാലത്തേക്ക് പോകുമ്പോള് ഈ കിണറ്റില് നിന്നു വെള്ളം കുടിച്ചിരുന്നതായി പഴമക്കാര് പറയുന്നു.
കോട്ടവാസലില് ദേവസ്വം ബോര്ഡിന്റെ ക്ഷേത്രത്തിലേക്ക് ശുദ്ധജലം എടുക്കുന്നതും ഇതില്നിന്നുമാണ്. കിണര് സ്ഥിതിചെയ്യുന്നിടത്തു നിന്നു 10 മീറ്റര് കഴിഞ്ഞാല് തമിഴ്നാട്ടിലേക്ക് കടക്കും. ഏതു വേനലിലും വറ്റാത്ത കിണര് വഴിയാത്രക്കാരുടേയും സമീപത്തെ കടക്കാരുടേയും ആശ്രയമാണ്.
https://www.facebook.com/Malayalivartha
