തിരക്കേറിയ ഈരാറ്റുപേട്ടയിലെ ജോലിക്കിടെ ഈരാറ്റുപേട്ട എസ്‌ഐ എം.എച്ച് അനുരാജിന് വിശ്രമിക്കാന്‍ പോലും സമയം ലഭിച്ചിരുന്നില്ല

ലോക്ഡൗണ്‍ തുടങ്ങിയതോടെ തിരക്ക് ഇരട്ടിയായി. ഉച്ചയോടെ ലോക്ഡൗണ്‍ പരിശോധനയ്ക്കിടെ തീക്കോയില്‍ വച്ച് ഒരു ഓട്ടോയ്ക്ക് അനുരാജ് ഉള്‍പ്പെടുന്ന പൊലീസ് സംഘം കൈ കാണിച്ചു.

ഓട്ടോയില്‍ തത്തയ്ക്കു മരുന്നു വാങ്ങാന്‍ പോയ തീക്കോയി മേസ്തിരിപ്പടി സ്വദേശി അഷ്‌കര്‍ എന്ന യുവാവ് ആണുണ്ടായിരുന്നത്. തീക്കോയിയില്‍ മൃഗാശുപത്രി തുറന്നിരുന്നില്ല.

എസ്‌ഐ ഈരാറ്റുപേട്ട നഗരസഭയിലെ ഹെല്‍പ് ഡസ്‌കുമായി ബന്ധപ്പെട്ടു. തുടര്‍ന്ന് പൊലീസ് വാഹനത്തില്‍, ഈരാറ്റുപേട്ടയിലെ മൃഗാശുപത്രിയില്‍ എത്തിച്ച് തത്തയ്ക്ക് മരുന്നു നല്‍കി. തിരികെ തീക്കോയിയില്‍ കൊണ്ട്‌വിടുകയും ചെയ്തു. ഒന്നര മാസം മുന്‍പാണ് പറക്കമുറ്റാത്ത തത്തയെ അഷ്‌കറിനു ലഭിക്കുന്നത്.