പോലീസ് ഫൈനടിച്ചപ്പോള്, പ്രസവിച്ചു കിടക്കുന്ന ഭാര്യയ്ക്ക് പണം കൊടുക്കാന് ഇറങ്ങിയ ആളിന്റെ കൈയ്യില് അഞ്ചിന്റെ പൈസയില്ല; യുവാവിന് പോലീസ് നല്കിയത് ഉഗ്രന് പണി.!
ലോക്ക് ഡൗണിന്റെ ഗൗരവം മനസ്സിലാക്കാതെ ചുമ്മാതെ പുറത്തിറങ്ങുന്നവരുടെ എണ്ണത്തിന് ഒരു കുറവുമില്ല. കഴിഞ്ഞ കുറച്ചുദിവസങ്ങള്കൊണ്ട് തന്നെ സംസ്ഥാനത്ത് ആയിരക്കണക്കിന് കേസുകളാണ് രജിസ്റ്റര് ചെയ്തിരിക്കുന്നത്.
ലോക്ക്ഡൗണിനിടെ ബൈക്കുമായി വന്ന യുവാവിന്റെ വാഹനം തടഞ്ഞപ്പോള് പ്രസവിച്ച് കിടക്കുന്ന ഭാര്യയെ കാണാന് പോകയാണ്, ചിലവിനുള്ള പണം നല്കണം എന്നായിരുന്നു യുവാവിന്റെ മറുപടി. തിരുവനന്തപുരത്തായിരുന്നു സംഭവം.
ഹെല്മറ്റ് ധരിക്കാതെയാണ് വാഹനവുമായി ഇയാള് എത്തിയത്. ആവശ്യം ഇതായതിനാല് യാത്ര തുടരാം, എന്നാല് ഹെല്മറ്റില്ലാത്തതിന് പിഴയടക്കാന് പോലീസ് പറഞ്ഞു. അപ്പോഴാണ് താന് പെട്ടു എന്ന് യുവാവിന് മനസ്സിലായത്.
പിഴയടയ്ക്കാന് കൈയ്യില് പണമില്ല...ആകെയുണ്ടായിരുന്നത് 30 രൂപ. ഉടനെ കരച്ചിലായി, ഒടുവില് സുഹൃത്തിന്റെ കൈയില് നിന്ന് പണംകടം വാങ്ങി പിഴയൊടുക്കി മടങ്ങേണ്ടി വന്നു.
ഇങ്ങനെ നിരവധി ആളുകളാണ് കഴിഞ്ഞ ഏതാനും ദിവസമായി പുറത്തിറങ്ങി കറങ്ങുന്നത്. കേരളത്തില് അനുദിനം കോവിഡ് ബാധിതരുടെ എണ്ണം കൂടി വരുന്ന സാഹചര്യത്തില് ആളുകളുടെ ഇത്തരം മനോഭാവം വലിയ തലവേദനയാണ് പോലീസിന് സൃഷ്ടിക്കുന്നത്.
https://www.facebook.com/Malayalivartha
