വനം വകുപ്പിന്റെ റാപിഡ് റെസ്പോണ്സ് ടീം അംഗം ഹേമന്ദ്, നാഗങ്ങളുടെ പ്രിയതോഴന് !
വനം വകുപ്പിന്റെ അഞ്ചല് റേഞ്ചിലെ റാപിഡ് റെസ്പോണ്സ് ടീം അംഗമായ ഏരൂര് സ്വദേശിയായ ഹേമന്ദ് നാലാം ക്ലാസില് പഠിക്കുമ്പോള് തുടങ്ങിയതാണു പാമ്പു പിടിത്തം. അന്ന് അച്ഛന്റെ വഴക്ക് കിട്ടിയതിനാല് തല്ക്കാലത്തേക്ക് ആ പരിപാടി നിര്ത്തി.2013-മുതല് നാഗങ്ങള് വീണ്ടും ഹേമന്ദിന്റെ കൂട്ടുകാരായി.
ഇപ്പോള് ഫണം വിടര്ത്തി ആടുന്ന മൂര്ഖനും തരം കിട്ടിയാല് ഏതു ജീവിയേയും അകത്താക്കുന്ന പെരുമ്പാമ്പും ഹേമന്ദിനു മുന്നില് ആട്ടിന്കുട്ടികള് . നാടുവിറപ്പിക്കുന്ന മൂര്ഖനെ കയ്യോടെ പിടികൂടി തലോടി സ്വാന്തനിപ്പിക്കും. പെരുമ്പാമ്പിനെ കയ്യിലെടുത്ത് ഓമനിക്കും. കൂട്ടത്തോടെ പാഞ്ഞെത്തി കുത്തി വീഴ്ത്തുന്ന അറക്കടന്തലും ഹേമന്ദിനു മുന്നില് പതറും . ഇല്ലെങ്കില് ചിലപ്പോള് കൂട്ടത്തോടെ ചാക്കില് കയറേണ്ടി വരും !
ഈ യുവാവിന്റെ അവസരോചിത ഇടപെടല് ഒട്ടേറെ ആളുകള്ക്ക് സഹായകമായി. അത്യാവശ്യ ഘട്ടങ്ങളില് സൗജന്യ സേവനത്തിന് ഹേമന്ദ് ഒരുക്കമാണ്. ഫോണ് 9846801005 .
ഇതിനിടെ 3000-ല് അധികം പാമ്പുകളെ പിടിച്ചു. ചേനത്തണ്ടന് മുതല് രാജവെമ്പാല വരെ. 2 പ്രാവശ്യം കടിയേറ്റു. ആദ്യം ശംഖുവരയന് , പിന്നീട് മൂര്ഖന് . എന്നാല് കടിച്ച പാമ്പുകളെപ്പോലും ഉപദ്രവിച്ചിട്ടില്ലെന്ന് ഹേമന്ദ് പറയുന്നു . അവയെ സുരക്ഷിതമായി വനത്തില് വിടുകയാണ് പതിവ്.
https://www.facebook.com/Malayalivartha
