കൊച്ചി മെട്രോ ആസ്ഥാനത്ത് ഇന്നലെ നടന്ന യോഗത്തില്‍ പങ്കെടുത്തു മടങ്ങുമ്പോള്‍ എറണാകുളം കലക്ടറെ കൊച്ചി മെട്രോ മേധാവി അല്‍കേഷ് കുമാര്‍ ശര്‍മ മെട്രോ യാത്രയ്ക്ക് ക്ഷണിച്ചു. കലൂര്‍ ജെഎല്‍എന്‍ സ്റ്റേഡിയം മുതല്‍ കടവന്ത്ര വരെയായിരുന്നു യാത്ര.

കലക്ടറേയും കെഎംആര്‍എല്‍ എംഡി അല്‍കേഷ് കുമാര്‍ ശര്‍മയേയും മെട്രോയില്‍ ഒരുമിച്ചു കണ്ടത് യാത്രക്കാര്‍ക്കു കൗതുകമായി.

കടവന്ത്രയില്‍ നിന്ന് അല്‍കേഷ് കുമാര്‍ ശര്‍മ തേവരയിലെ വീട്ടിലേക്കും കലക്ടര്‍ ക്യാംപ് ഓഫിസിലേക്കും വാഹനങ്ങളില്‍ പോയി.

മെട്രോയുളളപ്പോള്‍ അല്‍കേഷ് കുമാര്‍ ശര്‍മ മുന്‍പും അതിലാണ് ഓഫിസിലേക്കു യാത്ര ചെയ്തിരുന്നത്. ലോക്ഡൗണിനു ശേഷം സര്‍വീസ് പുനരാരംഭിച്ചപ്പോള്‍ എല്ലാ ജീവനക്കാരും മെട്രോ ഉപയോഗിക്കണമെന്ന് എംഡി നിര്‍ദേശിച്ചിട്ടുണ്ട്.