ലോക്ഡൗണിനു മുന്‍പ് പയ്യന്നൂര്‍ റെയില്‍വേ സ്റ്റേഷനില്‍ നിന്നു കടന്നുപോയ അവസാന ട്രെയിനിലെ ഏതോ യാത്രക്കാരന്‍ സ്റ്റേഷന്‍ പരിസരത്ത് വച്ചിട്ടു പോയ ബൈക്ക് ഉടമയെ കാത്തിരിക്കാന്‍ തുടങ്ങിയിട്ട് 6 മാസമായി.

മറ്റു വാഹനങ്ങള്‍ അതിന്റെ ഉടമകള്‍ എടുത്തുമാറ്റിയിരുന്നു. ചില വാഹനമോഷണങ്ങളും ഇതിനിടയില്‍ നടന്നു. ഇത്രയുമൊക്കെ സംഭവിച്ചിട്ടും ഈ ബൈക്ക് കൊണ്ടു പോകാന്‍ ഉടമ വന്നില്ല.

റോഡരികില്‍ കൊറ്റിതോടിനോടു ചേര്‍ന്ന് നിര്‍ത്തിയിട്ട ബൈക്ക് കാട് മൂടിയിട്ടുണ്ട്.

ഗാന്ധി ജയന്തി ദിനത്തില്‍ നടത്തിയ ശുചീകരണത്തില്‍ കാടു നീക്കി ബൈക്ക് തുടച്ചു വൃത്തിയാക്കി വച്ചിട്ടുണ്ട്. കണ്ണൂര്‍ ബര്‍ണശ്ശേരിയിലെ ആളുടെ ഉടമസ്ഥതയിലുള്ളതാണ് ഈ വാഹനമെന്ന് രേഖകളില്‍ കാണുന്നു.