ആഡംബരത്തിന്റെ അടയാളമായ തങ്ങളുടെ ബെന്‍സ് കാറിന് ചെറിയ പോറല്‍ എങ്കിലും ഉണ്ടായാല്‍ ഉടമസ്ഥന് നെഞ്ച് കത്തും. എന്നാല്‍ റഷ്യന്‍ യു ട്യൂബറായ മിഖായേല്‍ ലിത്വിന്‍ ചെയ്തതെന്തെന്നോ...? പല തവണ കേടായ കാര്‍ പുല്ലു പോലെ കത്തിച്ചു കളഞ്ഞു!

റിപ്പയറിനായി അഞ്ച് തവണ കാര്‍ അയച്ചുകൊടുത്തിരുന്നു. 40 ദിവസത്തോളം ഈ കാര്‍ റിപ്പയര്‍ ചെയ്തിരുന്നു. വീണ്ടും കേടായി. ആറാം തവണയും ബ്രേക്ക് ഡൗണായി മെഴ്സിഡസ് ഡീലേഴ്സിനെ വിളിച്ചപ്പോള്‍ അവര്‍ ഫോണെടുത്തില്ല. അതോടെ ലിത്വിന്‍ കാര്‍ ഉപേക്ഷിക്കാന്‍ തീരുമാനിച്ചു.

11 മില്യണിലധികം ആളുകളാണ് ഒരു വയലിന് നടുവിലിട്ട് കാര്‍ കത്തിക്കുന്ന വീഡിയോ കണ്ടത്. ഇന്ത്യന്‍ രൂപ 2.42 കോടിയാണ് ഇതിന്റെ വില.

''മെഴ്‌സിഡസുമായുള്ള നീണ്ട നാളത്തെ തര്‍ക്കത്തിന് ശേഷം എന്റെ കാറിനെ എന്ത് ചെയ്യണമെന്ന് ഞാന്‍ തീരുമാനിച്ചു. കത്തിച്ചു കളയുക അതാണ് ഏറ്റവും നല്ല മാര്‍ഗമെന്ന് എനിക്ക് തോന്നി, ഞാന്‍ ഒട്ടും സന്തോഷവാനല്ല'' ലിത്വിന്‍ കുറിച്ചു. വീഡിയോയ്ക്ക് താഴെ നിരവധി കമന്റുകളാണ് വന്നിരിക്കുന്നത്.