ഒരു കാലത്ത് മാലിന്യ നിക്ഷേപ കേന്ദ്രമായിരുന്ന കുറ്റിക്കോല്‍ ദേശീയപാതയോരം ഇപ്പോള്‍ പക്ഷികളുടെ കേന്ദ്രമാണ്.

അതിന്റെ ക്രെഡിറ്റ് പൂര്‍ണ്ണമായും ചന്ദ്രനുള്ളതാണ്. 3 വര്‍ഷത്തെ അധ്വാനം കൊണ്ട് ദേശീയപാതയോരത്ത് പൂന്തോട്ടം നിര്‍മിച്ച് പക്ഷികള്‍ക്ക് വീടൊരുക്കിയിരിക്കയാണ് ചന്ദ്രന്‍. 

പൂന്തോട്ടത്തില്‍ കുലച്ചു മൂത്തു പഴുത്ത പഴക്കുല മുഴുവനായും പക്ഷികള്‍ക്കു ഭക്ഷണമായി നല്‍കിയിരിക്കുകയാണ്.

കണ്ണൂര്‍- തളിപ്പറമ്പ് ദേശീയപാതയോരത്തു കുറ്റിക്കോലില്‍ ഇത്തരത്തില്‍ 5 പൂന്തോട്ടങ്ങളാണുള്ളത്.

പക്ഷികള്‍ക്ക് ദാഹം മാറ്റാന്‍ കുടിവെള്ള സൗകര്യവും ഇവിടെയുണ്ട്. ഇനി ഉണ്ടാകുന്ന വാഴക്കുലകളും ഇത്തരത്തില്‍ പറവകള്‍ക്ക് വിട്ട് നല്‍കാനാണു തീരുമാനമെന്ന് ചന്ദ്രന്‍ പറയുന്നു.