പാലക്കാട് തൃത്താല പള്ളിപ്പുറം തപാല്‍ ഓഫിസ് കെട്ടിടത്തിന്റെ മുറ്റത്ത് അജ്ഞാത ജീവിയുടെ കാല്‍പാടുകള്‍ കണ്ടെത്തി.

പുലിയുടേതിനു സമാനമായ കാല്‍പാടുകളാണ് ഇന്നലെ രാവിലെ ഓഫിസ് തുറക്കാന്‍ എത്തിയ ഉദ്യോഗസ്ഥര്‍ കണ്ടത്. ഇത് നാട്ടുകാരില്‍ ആശങ്ക പടര്‍ത്തി.

തുടര്‍ന്ന് അധികൃതര്‍ ചിത്രങ്ങള്‍ പരിശോധിച്ചു. പ്രാഥമിക പരിശോധനയില്‍ കാട്ടു പൂച്ചയുടെ കാല്‍പാടുകള്‍ ആണെന്നാണ് നിഗമനം.