വിവാഹത്തിന് ബുൾഡോസറിൽ വരന്റെ മാസ് എൻട്രി. ജൂൺ 21ന് രാത്രി ബെതുളിലെ കെർപാനി ഗ്രാമത്തിലാണ് സംഭവം. വരനെ ബുൾഡോസറിൽ ഇരുത്തി ഘോഷയാത്രയായാണ് പോയത്.

കുടുംബാംഗങ്ങൾക്കൊപ്പം ബുൾഡോസറിന് മുന്നിലെ ബ്ലേഡിൽ ഇരുന്നായിരുന്നു യാത്ര. ടാറ്റ കൺസൾട്ടൻസിയിൽ സിവിൽ എഞ്ചിനീയറാണ് അങ്കുഷ് ജെയ്‌സ്വാൾ.വിവാഹ ഘോഷയാത്ര കണ്ട് അമ്പരന്ന കാഴ്ചക്കാർ സംഭവത്തിന്റെ വീഡിയോ എടുത്ത് സോഷ്യൽ മീഡിയയിൽ പോസ്റ്റ് ചെയ്തു.

ഇത് വൈറലായതോടെ ഡ്രൈവർക്കെതിരെ പോലീസ് കേസെടുത്തു. ബുൾഡോസറുകൾ വാണിജ്യ ആവശ്യത്തിനായാണ് ഉപയോഗിക്കുന്നത് എന്നും ഇതിൽ യാത്രകൾ നടത്താറില്ലെന്നും പോലീസ് പറഞ്ഞു.