ട്രെയിനിന്റെ വാതിലില്‍ തല കുടുങ്ങിയ സ്ത്രീയുടെ ദൃശ്യങ്ങള്‍
ന്യൂയോര്‍ക്ക് സിറ്റി സബ് വേ സ്‌റ്റേഷനില്‍ ഭൂഗര്‍ഭ മെട്രോ ട്രെയിനില്‍ നിന്നും ഇറങ്ങുന്നതിനിടെ വാതിലില്‍ തലകുടുങ്ങിയ സ്ത്രീയെ തിരിഞ്ഞുനോക്കാതെ ആളുകള്‍ കടന്നു പോകുന്ന വീഡിയോ വൈറലാകുന്നു.
തലയും ഹാന്‍ഡ് ബാഗും വാതിലിന് പുറത്തും ഉടല്‍ ട്രെയിനിന് അകത്തും കുടുങ്ങിക്കിടക്കുന്ന നിലയിലാണ് സ്ത്രീ നില്‍ക്കുന്നത്. നിരവധി ആളുകള്‍ അവര്‍ക്കു സമീപം കടന്നു പോകുന്നുണ്ടെങ്കിലും ആരും അവരെ സഹായിക്കാന്‍ ശ്രമിക്കുന്നില്ല. തലകുടുങ്ങിയിട്ടും അവര്‍ ആരെയും സഹായത്തിന് വിളിക്കുകയോ നിലവിളിക്കുകയോ ചെയ്യുന്നുമില്ല.
ട്രെയിന്‍ മുന്നോട്ടു നീങ്ങുന്നതിന് മുമ്പ് അവരെ രക്ഷപ്പെടുത്തിയോ അവര്‍ക്ക് പരിക്കേറ്റോ എന്നൊന്നും ദൃശ്യങ്ങളില്ല.മെട്രോപൊളിറ്റന്‍ ട്രാന്‍സ്‌പോട്ടേഷന്‍ അതോറിറ്റി ജീവനക്കാരുടെ യൂനിഫോമിട്ട വനിതയടക്കം അവരെ കടന്നുപോകുന്നുണ്ടെന്നതാണ് കൗതുകം.
ഈ സമയം പളാറ്റ്‌ഫോമില്‍ എത്തിയ മറ്റൊരു ട്രെയിനിലെ യാത്രക്കാരനാണ് വിഡിയോ പകര്‍ത്തി ഇന്‍സ്റ്റാഗ്രാമില്‍ പോസ്റ്റു ചെയ്തിരിക്കുന്നത്. പോസ്റ്റ് ചെയ്ത് മണിക്കൂറിനുള്ളില്‍ ലക്ഷക്കണക്കിന് ആളുകളാണ് വിഡിയോ കണ്ടത്.
https://www.facebook.com/Malayalivartha
