പാമ്പ് നമ്മുടെ വസ്ത്രത്തില്‍ കടിച്ചുതൂങ്ങിയാല്‍...
പാമ്പ് എന്ന് വെറുതെ വിളിച്ചുകൂകിയാല്‍ തന്നെ പേടിക്കുന്നവരാണ് നമ്മള്‍. അപ്പോള്‍ പിന്നെ പാമ്പ് വീടിനകത്തോ ഓഫീസിലോ കയറിയാലുള്ള അവസ്ഥ എന്തായിരിക്കും. ഈ സിസിടിവി ദൃശ്യം കണ്ടാല്‍ നിങ്ങള്‍ ചിരിച്ചുപോകും.
ഒരു ഇന്റര്‍നെറ്റ് കഫെയില്‍ നിന്ന് പുറത്തേക്ക് ഇറങ്ങാന്‍ ശ്രമിച്ച തായ് യുവാവിന്റെ ദേഹത്ത് പാമ്പ് ചാടി വീണതും തുടര്‍ന്നുണ്ടായ പരാക്രമവുമാണ് ചിരി പടര്‍ത്തിയത്. സംഭവം ഗൗരവമേറിയതാണെങ്കിലും വീഡിയോ കണ്ടാല്‍ ആരും ചിരിച്ചുപോകുമെന്നുള്ളത് സത്യം. പാമ്പ് പുറത്തുനിന്നു കയറി വരുന്നത് ക്യാമറയില്‍ പതിഞ്ഞിട്ടുണ്ട്.
പുറത്തേക്ക് കടക്കാന്‍ ഒരുങ്ങിയ യുവാവ് പാന്റില്‍ കടിച്ചുതൂങ്ങി കിടക്കുന്ന പാമ്പുമായിട്ടാണ് അകത്തേക്ക് ഓടിയത്. പാമ്പിന്റെ കടിയില്‍ നിന്നും രക്ഷനേടാന്‍ നിലത്തുകിടന്ന് പിടയുന്നതും തുടര്‍ന്ന് പാമ്പ് കസേരയ്ക്കു പിന്നിലേക്ക് പോയതും വീഡിയോ ദൃശ്യത്തില്‍ കാണാം. ചിലര്‍ യുവാവിന്റെ പരാക്രമം കണ്ട് ഭയന്നിട്ടാകണം പരക്കം പായുകയും കസേരയില്‍ കയറി ഇരുപ്പുറപ്പിക്കുകയും ചെയ്തു. തായ്‌ലാന്റിലെ വൈസെറ്റ് ചായ് ചാന്‍ ജില്ലയിലെ ഒരു ഇന്റര്‍നെറ്റ് കഫെയിലാണ് സംഭവം അരങ്ങേറിയത്.
https://www.facebook.com/Malayalivartha
