യജമാനന്‍ മരിക്കുകയാണെന്ന് കരുതി വളര്‍ത്തു നായ ചെയ്തതെന്തെന്നു കണ്ടാല്‍ ആരുടെയും കണ്ണ് നനയും.ഉടമ നീന്തല്‍ക്കുളത്തില്‍ ഇറങ്ങിയപ്പോള്‍ ബെല്ല കരയ്ക്ക് ഇരിക്കുകയായിരുന്നു. നീന്തിയശേഷം തല വെള്ളത്തില്‍ മുക്കിയതിനു ശേഷം അയാള്‍ ഉയര്‍ന്നു വരാതായതോടെയാണ് നായ ഭയപ്പെട്ടത്.

നീന്തല്‍ക്കുളത്തിലിറങ്ങിയ ഉടമ മുങ്ങിച്ചാവാന്‍ പോവുകയാണെന്ന കരുതിയ നായ, കുറേനേരം പരിഭ്രമിച്ച് ഓടി നടന്നശേഷം വെള്ളത്തിലേക്ക് എടുത്തുചാടുന്ന വീഡിയോയാണ് ചര്‍ച്ചയാകുന്നത്. ബെല്ല എന്ന വളര്‍ത്തുനായയാണ് ഉടമ മരിക്കാന്‍ പോവുകയാണെന്ന കരുതി വെള്ളത്തിലേക്ക് ചാടിയത്.

നീന്തി ഉടമയ്ക്ക് അരികിലെത്തിയ ബെല്ലയെ ഉടമ എടുത്തുയര്‍ത്തിയതോടെ ബെല്ലയ്ക്ക് സമാധാനമായി. തന്റെ യജമാനന് ഒന്നും സംഭവിച്ചില്ലല്ലോ!