വെള്ളം കുടിക്കുന്നതിനിടയില്‍ മുതല പിടിച്ചാല്‍ ആനയായാലും നിസഹായനാവും. അത്തരത്തിലൊരു സംഭവമാണ് ആഫ്രിക്കന്‍ രാജ്യമായ മലാവിയിലെ ലിവോണ്ടെ നാഷണല്‍ പാര്‍ക്കില്‍ ഉണ്ടായത്. വെള്ളം കുടിക്കാനെത്തിയ ആനക്കൂട്ടത്തിലെ കുട്ടിക്കൊമ്പന്റെ തുമ്പിക്കൈയില്‍ തന്നെ കൂറ്റന്‍ മുതല കടിച്ചുതൂങ്ങി. മുതലയുടെ പിടിയില്‍ നിന്നും രക്ഷപ്പെടാന്‍ കുട്ടിക്കൊമ്പന്‍ പലവഴിയും നോക്കുന്നതിനിടെ കൂട്ടത്തിലുള്ള കൊമ്പനാന മുന്നോട്ട് വന്ന് മുതലയെ വിരട്ടി ഓടിക്കുകയായിരുന്നു. അലക്‌സാണ്ടര്‍ മക്കാന്‍ജ എന്നയാള്‍ സഫാരി ബോട്ടിലിരുന്ന് പകര്‍ത്തിയ വീഡിയോ ഏപ്രില്‍ 11-നാണ് സമൂഹമാധ്യത്തിലൂടെ ഷെയര്‍ ചെയ്തത്. വീഡിയോ ഇതുവരെ 2.3 ലക്ഷം പേരാണ് കണ്ടത്.