വാഷിംഗ് മെഷീന് മനുഷ്യന്: റിക്ക് മെയ്സെല്
ശരീരം വൃത്തിയാക്കണമെന്നു തോന്നുമ്പോള് നാമൊക്കെ എന്താണ് ചെയ്യാറുള്ളത്? ഒന്നു കുളിച്ചേക്കാം എന്നു വിചാരിക്കും. എന്നാല് വൃത്തിയാകാന് സ്വയം വാഷിംങ് മെഷീനില് കയറുന്നവര് ഉണ്ടാകുമോ ?
റിക്ക് മെയ്സെല് എന്ന യുവാവ് ഒരു വാഷിംഗ് മെഷീന് മനുഷ്യനാണ്. തന്റെ സാഹസികതയുടെ ഭാഗമായാണ് ഇദ്ദേഹം വാഷിംഗ് മെഷീനകത്ത് കയറിയുള്ള പ്രകടനം നടത്തുന്നത്.
നീല സിംസ്യൂട്ട് അണിഞ്ഞ് ഓക്സിജന് സിലിണ്ടറും കൈയ്യില് കരുതി ഗോഗിള്സും ധരിച്ചാണ് റിക്ക് എത്തുന്നത്. തുടര്ന്ന് കൈയ്യും കാലും വിലങ്ങ് ഉപയോഗിച്ച് ബന്ധിക്കുന്നു. തുണി അലക്കുന്ന രീതിയില് വാഷിംഗ് മെഷീനകത്തേക്ക് പ്രവേശിക്കുന്ന റിക്ക്, മെഷീന് പ്രവര്ത്തന സജ്ജമാകുമ്പോള് കറങ്ങുന്നത് കാണാം.
ഒരു മിനിട്ടിന് ശേഷം യാതൊന്നും സംഭവിച്ചിട്ടില്ലാത്ത മട്ടില് റിക്ക് മെഷീന് പുറത്ത് ഇറങ്ങുകയും ചെയ്യും. എന്നാല് ഇത് വളരെ അപകടം പിടിച്ച സ്റ്റണ്ടാണെന്ന് അതു കണ്ടവരെല്ലാം അഭിപ്രായപ്പെട്ടു. റിക്കിനും അതേ അഭിപ്രായം തന്നെയാണ്. അതുകൊണ്ടു തന്നെ ആരും ഇത് പരീക്ഷിക്കരുതെന്നും റിക്ക് പറയുന്നുണ്ട്.
https://www.facebook.com/Malayalivartha