ആര്‍ത്തിപിടിച്ച ഒരു പാമ്പ് എടുത്തുവിഴുങ്ങിയത് ബാര്‍ബിക്യൂ എടുക്കാന്‍ ഉപയോഗിക്കുന്ന ചവണ.

ചവണകള്‍ വിഴുങ്ങിതോടെ അവശനിലയില്‍ മരണത്തെ അഭിമുഖീകരിക്കുന്ന പാമ്പിനെ രക്ഷിക്കുന്ന വീഡിയോ ആണ് വൈറല്‍ ആയിരിക്കുന്നത്. ചങ്കുറപ്പുണ്ടെങ്കില്‍ വീഡിയോ കാണാം.

ഓസ്‌ട്രേലിയയിലെ ഒരാളുടെ വളര്‍ത്തുപാമ്പാണ് ഈ പണി കാണിച്ചത്. ആഘോഷചടങ്ങിനിടെ ബാര്‍ബീക്യൂ വിളമ്പാന്‍ വച്ചിരുന്ന ചവണയാണ് പാമ്പ് എടുത്ത് വിഴുങ്ങിയത്.

പാമ്പിന്റെ താടിയെല്ലില്‍ കുടുങ്ങിയ നിലയിലായിരുന്നു ചവണ. ഉടമ തന്നെയാണ് ചവണ പുറത്തെടുത്ത് പാമ്പിനെ രക്ഷപ്പെടുത്തിയത്.

ഒരു മണിക്കൂറോളം പണിപ്പെട്ടാണ് ഉടമ ചവണ പുറത്തെടുത്തത്. ഉടമ തന്നെയാണ് വീഡിയോ നവമാധ്യമങ്ങളില്‍ പോസ്റ്റ് ചെയ്തത്. വന്‍ പ്രതികരണമാണ് പോസ്റ്റിന് ലഭിച്ചുകൊണ്ടിരിക്കുന്നത്.